ٹک ٹاک بیوٹی انفلوئنسر لائیو سٹریم کے دوران قتل، وجہ سامنے آگئی
میکسیکو میں ٹک ٹاک بیوٹی انفلوئنسر کا قاتلانہ حملہ
میکسیکو (ڈیلی پاکستان آن لائن ) میں ایک معروف ٹک ٹاک بیوٹی انفلوئنسر کو لائیو سٹریم کے دوران فائرنگ کرکے قتل کردیا گیا۔
واقعہ کی تفصیلات
نجی ٹی وی جیونیوز کے حوالے سے معلوم ہوا کہ میکسیکو کے شہر زاپوپان میں 23 سالہ ولیریا مارکیز کو اس وقت گولی مار دی گئی جب وہ اپنے بیوٹی سیلون سے ٹک ٹاک پر لائیو سٹریم کر رہی تھیں۔
ولیریا کی مقبولیت
ٹک ٹاکر ولیریا کے انسٹاگرام اور ٹک ٹاک پر تقریباً 2 لاکھ سے زائد فالوورز تھے۔ لائیو سٹریم کے دوران انہوں نے ایک پارسل وصول کیا، اور کیمرے کے سامنے واپس آئیں، مگر چند لمحوں بعد وہ اپنی کرسی پر خون میں لت پت گر گئیں جبکہ لائیو ویڈیو جاری رہی۔
پولیس کی تحقیقات
پولیس کے مطابق، فائرنگ کرنے والا ایک ملزم سیلون میں داخل ہوا اور ولیریا پر فائرنگ کردی، یہ واقعہ ایک مشتبہ فیمیسائیڈ (Femicide) ہے، یعنی کسی خاتون کو صنفی بنیاد پر قتل کرنا ہے۔
عورتوں کے خلاف بڑھتے ہوئے تشدد کا مسئلہ
غیر ملکی میڈیا کے مطابق، خواتین پر بڑھتے ہوئے تشدد اور قتل کی وارداتوں نے ایک بار پھر میکسیکو کے نظام انصاف پر سوالیہ نشان کھڑا کردیا ہے۔
