سوشل میڈیا پر کل یوم تشکر پر تعطیل کی خبر؛ سرکاری وضاحت سامنے آگئی

یوم تشکر کا اعلان

اسلام آباد (ڈیلی پاکستان آن لائن) حکومت کی جانب سے معرکہ حق اور آپریشن بنیان مرصوص میں شاندار کامیابی پر ملک بھر میں 16 مئی کو یوم تشکر سرکاری سطح پر منانے کا اعلان کیا گیا ہے۔

یہ بھی پڑھیں: لیسکو ہیڈ کوارٹرز میں فلڈ کنٹرول سینٹر قائم، عملے کی چھٹیاں منسوخ، 24 گھنٹے ہنگامی بنیادوں پر کام ہوگا

عام تعطیل کی افواہیں

نجی ٹی وی ایکسپریس نیوز کے مطابق حکومت کی جانب سے کئے جانے والے اعلان کے بعد سماجی رابطے کی سائٹ پر عام تعطیل کے حوالے سے نوٹی فکیشن وائرل ہوا۔ اس میں دعویٰ کیا گیا کہ 16 مئی کو یوم تشکر کے سلسلے میں ملک بھر میں چھٹی ہوگی اور تمام تعلیمی ادارے، دفاتر بند رہیں گے۔

یہ بھی پڑھیں: یو اے ای کے صدر مختصر دورہ پاکستان کے بعد واپس روانہ، صدر، وزیراعظم اور دیگر سے ملاقاتیں

سرکاری وضاحت

سرکاری ذرائع نے اس حوالے سے وضاحت پیش کرتے ہوئے کہا کہ ملک بھر میں یوم تشکر کے سلسلے میں کوئی عام تعطیل نہیں ہوگی اور نہ ہی اس میں کوئی صداقت ہے۔

جعلی نوٹی فکیشن

ذرائع نے کہا کہ یوم تشکر کے موقع پر عام تعطیل کا سوشل میڈیا پر وائرل ہونے والا نوٹی فکیشن جعلی ہے۔