دنیا نے دیکھا کئی گنا بڑے دشمن کو گھٹنے ٹیکنے میں چند گھنٹے لگے: وزیر اعظم کا یوم تشکر پر پیغام

وزیراعظم کی فتح کا اعلان

اسلام آباد (ڈیلی پاکستان آن لائن) وزیراعظم شہباز شریف کا کہنا ہے کہ دنیا نے دیکھا کئی گنا بڑے دشمن کو گھٹنے ٹیکنے میں چند گھنٹے لگے۔

یہ بھی پڑھیں: بھارت نے کوئی یاتری نہ بھیجا، کرتارپور راہداری دوسرے روز بھی بند

بھارتی حملے کا پس منظر

نجی ٹی وی جیو نیوز کے مطابق، معرکہ حق میں شاندار کامیابی کی خوشی میں آج منائے جانے والے یوم تشکر پر اپنے پیغام میں وزیر اعظم شہباز شریف نے کہا کہ 6 اور 7 مئی کی درمیانی شب بھارت نے پاکستان پر حملہ کر دیا۔ بھارتی حملے میں معصوم اور بے گناہ پاکستانی شہید ہوئے۔

یہ بھی پڑھیں: خیبر پختونخوا میں 170 میں سے 14 سروسز کی ڈیجیٹلائزیشن مکمل، کتنی بچت ہو گی ؟ جانیے

دشمن کو جوابی ضرب

وزیراعظم نے کہا کہ دنیا نے دیکھا کئی گنا بڑے دشمن کو گھٹنے ٹیکنے میں چند گھنٹے لگے۔ جو طیارے بھارت کا غرور تھے اب راکھ اور نشان عبرت بن چکے ہیں۔ شاہینوں نے دشمن پر کاری ضربیں لگائیں، یہ ہمارا دندان شکن جواب تھا۔

یہ بھی پڑھیں: قلوپطرہ غالباً فرعون دور کی آخری مضبوط حکمران تھی،جلا وطنی کاٹی، پھر انتہائی چالاکی اور طاقت کے ذریعے بھائی سے کھویا ہوا تخت واپس لے لیا.

بہادر افواج کا کردار

انہوں نے مزید کہا کہ بہادر افواج نے دشمن کو جواب دے کر عسکری تاریخ کا سنہرا باب رقم کیا۔ دشمن کے فوجی اڈے، اسلحے کے انبار اور ایئر بیسز دیکھتے ہی دیکھتے کھنڈرات بن گئے۔ بھارتی رافیل شاہینوں کے نشانے پر آئے اور اللہ کے فضل سے ناکام ہو گئے، قوم سیسہ پلائی دیوار کی طرح مسلح افواج کے شانہ بشانہ ہے۔

یہ بھی پڑھیں: 3 روزہ جنگ نے بھارتی قیادت کا غرور ملیا میٹ کردیا: احسن اقبال

صدر زرداری کا پیغام

قبل ازیں، صدر مملکت آصف علی زرداری نے اپنے پیغام میں کہا کہ آپریشن بنیان مرصوص کی کامیابی پر مسلح افواج کے دلیر سپاہیوں اور سربراہان کو خراجِ تحسین پیش کرتا ہوں۔ یہ کامیابی صرف پاکستانی افواج کی نہیں بلکہ پوری قوم کی کامیابی ہے۔

یہ بھی پڑھیں: کے پی حکومت نے مریم نواز کی ائیر ایمبولنس کے مقابلے میں رکشہ چلا دیا : عظمٰی بخاری

پاکستان کی خود مختاری

صدر آصف علی زرداری نے مزید کہا کہ مسلح افواج نے بھارتی اشتعال انگیزی کا پیشہ ورانہ انداز میں بھربور قوت سے جواب دیا۔ دنیا نے پاکستان کے صبر و تحمل کا اعتراف کیا اور ہماری آپریشنل مہارت کو تسلیم کیا۔ ان کا کہنا ہے کہ پاکستان پ±رامن ملک ہے، ہم کسی کے خلاف جارحانہ عزائم نہیں رکھتے تاہم پاکستان اپنی خود مختاری، جغرافیائی سالمیت پر سمجھوتا نہیں کرے گا، ہماری سرزمین کے خلاف کسی بھی جارحیت کا بھرپور جواب دیا جائے گا۔

آبی حقوق کی حفاظت

صدر مملکت کا کہنا تھا کہ سندھ طاس معاہدے کی یکطرفہ معطلی کو مسترد کرتے ہیں، معاہدے میں یکطرفہ معطلی کی کوئی شق موجود نہیں ہے۔ پاکستان اپنے آبی حقوق کے تحفظ کے لئے قومی طاقت کے تمام ذرائع بروئے کار لائے گا۔ ان کا کہنا تھا کہ ان بہادر سپاہیوں کو سلام جنہوں نے جانوں کا نذرانہ دے کر وطن عزیز کا دفاع کیا۔ بطور صدر یہ اعادہ کرتا ہوں کہ ہم ہمیشہ اپنی افواج کے شانہ بشانہ رہیں گے۔