سفارت خانہ پاکستان ریاض میں معرکہء حق یومِ تشکر کی تقریب

یومِ تشکر کی تقریب

ریاض (وقار نسیم وامق) سعودی عرب میں معرکہ حق بنیان مرصوص کی کامیابی کے حوالے سے یومِ تشکر کی پروقار تقریب منعقد کی گئی جس میں سفارتی افسران سمیت کشمیری اور پاکستانی کمیونٹی کے اراکین کی بڑی تعداد موجود تھی۔

یہ بھی پڑھیں: اسٹیٹ بینک نے کرنسی نوٹوں پر پین سے کوئی بھی تحریر لکھنے پر پابندی عائد کردی

پرچم کشائی کی تقریب

سعودی عرب کے دارالحکومت ریاض کے سفارت خانہ پاکستان میں منعقدہ تقریب میں بنیان مرصوص کی شاندار اور تاریخی کامیابی پر پرچم کشائی کی تقریب منعقد کی گئی جس میں تینوں مسلح افواج کے دستوں نے شرکت کی جبکہ سفیرِ پاکستان احمد فاروق نے پاکستان زندہ باد کے نعروں میں قومی پرچم سربلند کیا۔

یہ بھی پڑھیں: آخری مرحلے کے کینسر کے علاج میں دیسی غذا کی اہمیت: سدھو کے دعووں پر ڈاکٹروں کی عدم اتفاقی کی وجوہات کیا ہیں؟

سفیرِ پاکستان کا خطاب

اس موقع پر سفیرِ پاکستان کا کہنا تھا کہ بھارت نے پاکستان پر جنگ مسلط کرکے خطے میں اپنی طاقت کے ذریعے اجارہ داری قائم کرنے کی کوشش کی جس کو پاکستانی قیادت، افواجِ پاکستان اور قوم نے یکجان ہوکر ناکام بنا ڈالا اور پیغام دیا کہ پاکستانی قوم ہر مشکل گھڑی میں نا صرف متحد ہے بلکہ دشمن کو منہ توڑ جواب دینا بھی جانتی ہے۔

انہوں نے مزید کہا کہ وہ پاکستان کی سیاسی اور عسکری قیادت کو خراجِ تحسین پیش کرتے ہیں جنھوں نے دلیرانہ اور پیشہ ورانہ فیصلوں کے ذریعے قوم کو سرخرو کیا اور ہم شہداء کو خراج عقیدت پیش کرتے ہیں جنہوں نے اپنی جانوں کا نذرانہ دیکر وطن عزیز کی حفاظت کو یقینی بنایا۔

تقریب کی رونق

تقریب میں مقامی گلوکاروں نے قومی نغمے گا کر شرکاء کے جوش کو خوب گرمایا جبکہ ہال پاکستان زندہ باد اور افواجِ پاکستان کے نعروں سے گونجتا رہا۔