پنجاب حکومت نے بھارتی حملے میں زخمی ہونے والے شہریوں کیلئے امدادی فنڈ جاری کر دیا

امدادی فنڈز کا اجرا

لاہور (ڈیلی پاکستان آن لائن) پنجاب میں بھارتی حملے میں شہید اور زخمی ہونے والے شہریوں کے لئے امدادی فنڈز جاری کردیے گئے ہیں۔

یہ بھی پڑھیں: احتجاج میں توڑ پھوڑ: پولیس کا عمران خان کو نامزد مقدمات میں شامل تفتیش کرنے کا فیصلہ

حکومتی اقدامات

تفصیلات کے مطابق پنجاب حکومت نے 14 اضلاع کے ڈپٹی کمشنرز کو امدادی فنڈز جاری کیے ہیں جس کا باقاعدہ مراسلہ بھی جاری کردیا گیا ہے۔ یہ مراسلہ قصور، شیخوپورہ، ننکانہ صاحب، اٹک، مری، بہاولپور، بہاولنگر، فیصل آباد، ٹوبہ ٹیک سنگھ، گجرات، سیالکوٹ، خانیوال، اوکاڑہ اور راولپنڈی کے ڈی سی ز کو بھیجا گیا۔

یہ بھی پڑھیں: پاکستان میں انٹرنیٹ سروس کب مکمل طور پر بحال ہوگی؟ پی ٹی اے نے تاریخ کا اعلان کیا

مالی امداد کی تفصیلات

مراسلے کے مطابق شہدا اور زخمی شہریوں کے لئے امدادی پیکج کی منظوری وزیراعظم نے دی ہے۔ 34 کروڑ 30 لاکھ روپے ڈپٹی کمشنرز کے آسان اسائنمنٹ اکاؤنٹس میں ٹرانسفر کردیے گئے ہیں۔ فنڈز کو تین کیٹیگریز میں تقسیم کیا گیا ہے: شہدا، شدید زخمی اور معمولی زخمی۔ شہید شہریوں کے ورثا کو ایک کروڑ روپے امداد دی جائے گی، جبکہ شدید زخمیوں کو 20 لاکھ اور معمولی زخمیوں کو 10 لاکھ روپے کی امداد فراہم کی جائے گی۔

یہ بھی پڑھیں: اسرائیل کی جانب سے قطر کو نشانہ بنانا امن مذاکرات سبوتاژ کرنے کی کوشش ہے: ترجمان دفتر خارجہ

شفافیت کی ہدایت

مراسلے میں ہدایت کی گئی ہے کہ امدادی رقم کو جائز حقداروں تک شفاف انداز میں پہنچایا جائے۔ فنڈز کی تقسیم سے قبل ہر وصول کنندہ کی اہلیت کی تصدیق کی جائے گی اور شہدا کے قانونی وارثوں کے علاوہ کسی تیسرے فریق کو ادائیگی نہ کی جائے۔

ذاتی معلومات کی حفاظت

متاثرین اور سوگوار خاندانوں کی تمام ذاتی معلومات کو مکمل راز میں رکھا جائے گا۔ ڈپٹی کمشنرز امدادی رقوم کی تقسیم کی تفصیلی رپورٹ محکمہ داخلہ کو بھجوائیں گے۔