خیبرپختونخوا میں چار ماہ میں 116 خواتین کا قتل، سب سے زیادہ عورتیں کہاں ماری گئیں؟ جانیے

خواتین کے قتل کے واقعات میں اضافہ

پشاور (آئی این پی) خیبرپختونخوا میں خواتین کے قتل کے واقعات میں خوفناک اضافہ ریکارڈ کیا گیا ہے۔ رواں سال کے پہلے چار ماہ کے دوران صوبے بھر میں 116 خواتین کو قتل کیا گیا، جن میں سے بیشتر واقعات دیرینہ دشمنی، گھریلو تنازعات اور ذاتی جھگڑوں کا شاخسانہ قرار دیے جا رہے ہیں۔

یہ بھی پڑھیں: لاہور میں دو بھائیوں کو کچلنے والی ملزمہ کا بیان ریکارڈ

قتل کے واقعات کا تجزیہ

میڈیارپورٹ کے مطابق، خواتین کے قتل کے ان واقعات میں مردان ڈویژن سرفہرست رہا جہاں 40 خواتین کو موت کے گھاٹ اتارا گیا، جبکہ مالاکنڈ ڈویژن دوسرے نمبر پر رہا جہاں 29 خواتین قتل ہوئیں۔ پشاور ڈویژن میں 19 اور کوہاٹ میں 7 خواتین کے قتل کے واقعات رپورٹ ہوئے۔ پولیس حکام کے مطابق ان کیسز میں مجموعی طور پر 147 ملزمان کو گرفتار کیا جا چکا ہے جبکہ متعدد کیسز میں تفتیش کا عمل جاری ہے۔

قانون سازی کی اہمیت

رپورٹ میں کہا گیا ہے کہ خواتین کے خلاف پرتشدد جرائم کی روک تھام کے لیے موثر قانون سازی، عوامی آگاہی، اور قانون نافذ کرنے والے اداروں کی مستعدی نہایت ضروری ہے تاکہ اس خطرناک رجحان پر قابو پایا جا سکے۔