جڑواں شہروں میں دن کو رات ہوگئی، کالی گھٹاؤں کے بعد ژالہ باری کیساتھ طوفانی بارش، ویڈیوز وائرل

اسلام آباد میں شدید بارش

اسلام آباد (ویب ڈیسک) جڑواں شہروں میں دن کو رات ہوگئی اور کالی گھٹاؤں کے بعد ژالہ باری کیساتھ طوفانی بارش ہوئی ہے جس کی ویڈیوز وائرل ہورہی ہیں۔ اسلام آباد کے علاوہ پنجاب اور خیبر پختونخوا کے مختلف اضلاع میں آج گرج چمک کے ساتھ بارش کا امکان ہے۔

یہ بھی پڑھیں: 460 روڈ کی تعمیر و توسیع اور بحالی کا کام تیزی سے جاری، اگلے مالی سال میں انٹر ڈسٹرکٹ اور انٹر ویلج روڈ کی تعمیر و بحالی کی تجویز

نیشنل ڈیزاسٹر مینجمنٹ اتھارٹی کی پیشگوئی

تفصیل کے مطابق نیشنل ڈیزاسٹر مینجمنٹ اتھارٹی (این ڈی ایم اے) نے پیشگوئی کی تھی کہ راولپنڈی، اسلام آباد میں آندھی، طوفان اور گرج چمک کے ساتھ بارش متوقع ہے اور چند گھنٹوں کے اندر ہی یہ پیشنگوئی حقیقت میں بدل گئی۔

یہ بھی پڑھیں: بیوی کی بلیک میلنگ سے تنگ آدمی کی خود کشی، آخری پوسٹ میں ایلون مسک اور ٹرمپ کو ٹیگ کردیا، ایسی کہانی کہ ہر آنکھ اشکبار ہوجائے

دن کی سیاہی

اسلام آباد میں موسم کی صورتحال کی ویڈیو شیئر کرتے ہوئے شہری نے بتایا کہ دن ایک بجے کی یہ صورتحال ہے جس میں شام کا سماں محسوس ہوتا ہے، گاڑیوں کی بتیاں بھی ڈرائیور حضرات آن کرنے پر مجبور ہیں۔

یہ بھی پڑھیں: پاکستان نے افغان طالبان کا آپریشن ’’ غضب للحق ‘‘ کی عارضی معطلی کی خلاف ورزی کا دعویٰ مضحکہ خیز قرار دیدیا

سماجی میڈیا پر ردعمل

ایک صارف نے بتایا کہ "اسلام آباد میں دن رات میں بدل گیا، شدید تیز بارش شروع ہوگئی"۔

یہ بھی پڑھیں: سفیر ارجنٹائن: پنجاب کے ساتھ لائیو سٹاک اور بائیو ٹیکنالوجی میں تعاون کی خواہش

موسمی تبدیلی کی تصاویر

ایک اور صارف نے بارش شروع ہونے سے چند لمحے پہلے کی ویڈیو شیئر کی جس میں طوفانی ہوائیں چلتی دیکھی جاسکتی ہیں اور ساتھ ہی لکھا کہ "اللہ رحم کرے۔۔!!"

یہ بھی پڑھیں: ملک کو آگے لے کر جانا ہے تو نواز شریف کو کردار ادا کرنے پر تیار کیا جانا چاہیے : جاوید لطیف

دیگر شہروں میں بارش کی توقع

اس کے علاوہ لاہور، نارووال، اٹک، جہلم، چکوال، میانوالی، سیالکوٹ میں بھی بادل برسنے کا بھی امکان ظاہر کیا جارہا ہے۔ خیبر پختونخوا کے علاقے مردان، پشاور، صوابی، چارسدہ، نوشہرہ، مانسہرہ اور ابیٹ آباد میں بھی آندھی، طوفان اور گرج چمک کے ساتھ بارشوں کی پیش گوئی کی گئی ہے۔

سندھ اور بلوچستان کا موسم

سندھ اور بلوچستان کے بیشتر اضلاع میں آج بھی موسم گرم اور خشک رہے گا۔ واضح رہے کہ گزشتہ روز سب سے زیادہ درجۂ حرارت سبی میں 51 ڈگری سینٹی گریڈ ریکارڈ کیا گیا تھا۔