پاکستان قونصلیٹ جدہ کے زیر اہتمام یوم تشکر اور یوم تکبیر کے حوالے سے مشترکہ تقریب، کمیونٹی کی بھی شرکت

یوم تشکر اور یوم تکبیر کی تقریب

جدہ (محمد اکرم اسد) پاکستان قونصلیٹ جدہ کے زیر اہتمام یوم تشکر اور یوم تکبیر کے حوالے سے مشترکہ تقریب پاکستان انٹرنیشنل اسکول کے بے نظیر شہید آڈیٹوریم میں منعقد ہوئی، جس میں طلباء و طالبات کے والدین اور جدہ کمیونٹی کی بڑی تعداد نے شرکت کی۔

یہ بھی پڑھیں: قائد اعظم پہلی دفعہ لاہور آئے تو اسی جگہ لینڈ کیا ، پاکستان کی جدید ترین سڑک روٹ 47 جہاں سے 1 میگا واٹ بجلی بھی پیدا کی جائے گی

قونصل جنرل کا خطاب

تقریب سے خطاب کرتے ہوئے قونصل جنرل خالد مجید نے تمام پاکستانی کمیونٹی کو پاکستان افواج کے شاندار کامیابیوں پر مبارکباد دی۔ انہوں نے کہا کہ افواجِ پاکستان نے جرات و بہادری سے دشمن کے ناپاک عزائم کو ناکام بنایا، جو پوری قوم کے لئے باعثِ فخر ہے۔ انہوں نے مزید کہا کہ بیرون ملک مقیم پاکستانی، اپنے محافظوں کے ساتھ کھڑے ہیں اور ملک کی ترقی کے لیے قومی اتحاد و یگانگت ناگزیر ہے۔ انہوں نے دوست ممالک کا بھی شکریہ ادا کیا کہ انہوں نے پاکستان کی بھرپور مدد کی۔

یہ بھی پڑھیں: اوورسیز پاکستانیوں کے لیے خوشخبری، انٹرنیشنل ڈرائیونگ لائسنس اب ایئرپورٹ پر ہی دستیاب ہوں گے

میڈیا اور کشمیر کمیٹی کا کردار

انہوں نے میڈیا کا شکریہ ادا کیا جنہوں نے دنیا کو حقیقت پر مبنی خبریں پیش کر کے عوام کے حوصلے بلند کیے۔ تقریب سے کشمیر کمیٹی کے صدر نے بھی خطاب کیا۔

ثقافتی پروگرامز

اسکول کے ننھے بچوں نے ٹیبلوز پیش کیے، جنہیں سامعین نے بہت پسند کیا۔ مشہور گلوکار نے قومی گیت گائے، جبکہ انکے گیت "ہم بہادر ہیں" پر حاضرین پاکستانی جھنڈے لہرا کر خوشی کا اظہار کیا۔ معروف پاکستانی گلوکار نعیم سندھ نے ملی نغموں اور خصوصی ویڈیوز کے ذریعے شرکاء کے جوش و جذبے کو بڑھایا۔ اس کے علاوہ، پاکستانی اسکول کے طلبہ نے افواجِ پاکستان کی وردی میں ملبوس ہو کر ایک خوبصورت ٹیبلو پیش کیا، جسے شرکاء نے بہت سراہا۔