حماس غزہ پہنچنے والی امداد کی لوٹ مار نہیں کررہی: ورلڈ فوڈ پروگرام

حماس پر الزامات کی تردید

غزہ (ڈیلی پاکستان آن لائن) ورلڈ فوڈ پروگرام نے غزہ پہنچنے والی امداد کی حماس کی جانب سے لوٹ مار کے اسرائیلی الزامات کی تردید کردی۔

یہ بھی پڑھیں: لاہور کےعلاقے والٹن، برکی اور ڈیفنس میں شدید فائرنگ، سائرن بج اٹھے

ورلڈ فوڈ پروگرام کی وضاحت

نجی ٹی وی جیو نیوز نے غیرملکی میڈیا کے حوالے سے بتایا کہ ایگزیکٹو ڈائریکٹر ورلڈ فوڈ پروگرام Cindy McCain نے اپنے بیان میں کہا کہ حماس غزہ پہنچنے والی امداد کی لوٹ مار نہیں کر رہی۔ انہوں نے کہا کہ فلسطینی شہری جب ورلڈ فوڈ پروگرام کا ٹرک آتا دیکھتے ہیں تو اس کی طرف دوڑ پڑتے ہیں، اس کا حماس سے کوئی تعلق نہیں۔ حقیقت یہ ہے کہ لوگ بھوک سے مر رہے ہیں۔

پیرس میں احتجاج

دوسری جانب غزہ میں اسرائیلی مظالم کے خلاف فرانس کے دارالحکومت پیرس میں احتجاج کیا گیا۔ اسرائیل مخالف پلے کارڈز اٹھائے مظاہرین نے ’فلسطین آزاد کرو‘ کے نعرے لگائے، جب کہ مظاہرین نے غزہ میں بچوں کا قتل عام روکنے اور فوری جنگ بندی کا مطالبہ کیا۔