شادی میں بلایا گیا ڈانسر گروپ دولہے کو اغوا کر کے فرار ہوگیا، حیران کن خبر

شادی کی تقریب میں ہنگامہ

نئی دہلی (ویب ڈیسک) بھارتی ریاست بہار کے ضلع گوپال گنج میں شادی کی تقریب اُس وقت ہنگامہ خیز صورتحال کا شکار ہوگئی جب پرفارمنس کے دوران پیش آئے تنازع کے بعد ڈانسر گروپ نے دولہے کو اغوا کر لیا۔

یہ بھی پڑھیں: چاہے وزیرِ اعظم شہباز شریف سے حافظ نعیم الرحمان کی آج ملاقات

واقعے کی تفصیلات

بھارتی میڈیا کے مطابق ریاست بہار کے علاقے گوپال گنج میں شادی کی تقریب میں اُس وقت افراتفری مچ گئی جب دولہے کو ڈانسر گروپ اغوا کر کے فرار ہوگیا۔ واقعہ جمعے کی رات دیگھوا ڈوبولی گاؤں میں روایتی پرفارمنس کے دوران پیش آیا، پرفارمنس ختم کرنے پر تنازع کھڑا ہوگیا تھا۔

یہ بھی پڑھیں: مجھے خوش رہنا اور دوسروں کو خوش دیکھنا پسند ہے” ثنا یوسف نے ایک اور ویڈیو وائرل

پرفارمنس کے دوران تنازع

آج نیوز کے مطابق دولہا سونو کمار شرما رسومات مکمل کرنے کے بعد دیگر سرگرمیوں میں مصروف تھا۔ اس دوران مہمانوں نے اصرار کیا کہ ڈانسر اپنی پرفارمنس جاری رکھیں جبکہ گروپ مقررہ وقت پر رخصت ہونا چاہتا تھا۔ اس پر مہمانوں اور ڈانسر گروپ کے درمیان پہلے تلخ کلامی اور پھر ہاتھا پائی جس سے مسکان نامی رقاصہ زخمی ہوگئیں جنہیں اسپتال منتقل کیا گیا۔

یہ بھی پڑھیں: پنجاب میں انٹر کے امتحانات کب شروع ہوں گے؟ تاریخ کا اعلان کردیا گیا

دولہے کی بازیابی

واپسی پر مسکان اپنے گروپ کے لوگوں کے ساتھ شادی کی تقریب میں واپس آئیں اور جھگڑے کرنے والے مہمانوں کو تشدد کا نشانہ بنایا جبکہ دولہے کو زبردستی اپنے ساتھ لے گئی۔ پولیس نے معاملے کا علم ہونے پر دولہے کی تلاش شروع کی اور تقریباً 9 گھنٹے بعد ضلع سیوان سے بازیاب کروایا۔

پولیس کی کارروائی

پولیس ڈانسر گروپ کی تلاش میں ہے تاہم اب تک کوئی گرفتاری عمل میں نہیں لائی گئی۔ گوپال گنج کے ایس پی اودھیش ڈکشٹ نے بتایا کہ دولہے کے اغوا کے بارے میں اطلاع ملنے پر پولیس نے فوری کارروائی کی اور اسے بازیاب کروایا۔