مورو احتجاج میں شرپسند افراد شامل تھے جن کے پاس دھماکا خیز مواد موجود تھا، شرجیل میمن

کراچی میں احتجاج کے واقعات

کراچی (ڈیلی پاکستان آن لائن) سندھ کے سینئر وزیر شرجیل انعام میمن نے کہا ہے کہ مورو احتجاج میں مظاہرین کے ساتھ شرپسند افراد بھی شامل تھے جن کے پاس دھماکا خیز مواد بھی تھا۔ صوبائی وزیرداخلہ کے گھر کو بھی شرپسندوں نے آگ لگائی، انہوں نے پولیس پر فائرنگ اور پتھراؤ کیا، گولیاں لگنے سے 2 افراد جاں بحق اور 8 زخمی ہوئے۔

یہ بھی پڑھیں: ٹک ٹاک نے نئے فیچرز متعارف کروا دیئے

شرجیل میمن کا بیان

ڈان نیوز کے مطابق کراچی میں پریس کانفرنس کے دوران وزیر اطلاعات سندھ شرجیل میمن کا کہنا تھا کہ 20 مئی کو جیے سندھ متحدہ محاذ (جسمم) نے مورو بائی پاس پر احتجاج کی کال دی، جسمم کا سربراہ شفیع برفت ملک سے باہر بیٹھا ہے اور یہ گروپ ٹرین دھماکوں اور غیر ملکیوں پر حملوں میں بھی ملوث رہا ہے۔

یہ بھی پڑھیں: جو آرمی چیف مرضی کا ہو، انہیں اقتدار میں رکھے وہ پی ٹی آئی کا باپ ہوتا ہے‘خواجہ آصف کا سخت بیان

احتجاج میں غیر مقامی افراد شامل

شرجیل میمن نے کہا کہ احتجاج میں مظاہرین کے ساتھ ڈنڈا بردار اور شرپسند افراد شامل تھے، مظاہرے میں غیر مقامی افراد بھی شامل تھے اور ان کے پاس جدید اسلحہ موجود تھا۔

یہ بھی پڑھیں: علی امین اور عاطف خان کی پارٹی واٹس گروپ میں تلخ کلامی

پولیس کی کوششیں

شرجیل میمن کا کہنا تھا کہ پولیس کی کوشش تھی کہ احتجاج پرامن طور پر ختم ہو جائے لیکن شرپسند افراد نے پولیس پر حملہ اور فائرنگ کی، جو اہلکار ڈیوٹی کر رہے تھے ان کو مارا پیٹا گیا جس سے کئی اہلکار زخمی ہوئے، حالانکہ پولیس نے کسی قسم کا لاٹھی چارج نہیں کیا تھا۔

یہ بھی پڑھیں: پی ٹی آئی کیلئے اکیلا ہی کافی ہوں: گورنر کے پی فیصل کریم کنڈی

جاں بحق اور زخمی افراد

انہوں نے کہا کہ مورو میں شرپسند افراد کی ہنگامہ آرائی سے 8 افراد زخمی ہوئے، مورو احتجاج میں جاں بحق ہونے والے 2 افراد کو مظاہرین کی گولیاں لگی تھیں۔

یہ بھی پڑھیں: ایران پر امریکی حملے کشیدگی میں خطرناک اضافہ ہیں: اقوام متحدہ

ہسپتال میں توڑ پھوڑ

ان کا کہنا تھا کہ مظاہرے کے دوران زخمی ہونے والے افراد کو جب ہسپتال لے جایا گیا تو انہوں نے وہاں بھی توڑ پھوڑ کی اور انہوں نے ان لاشوں پر بھی سیاست کی اور جھوٹا بیانیہ بنایا کہ پولیس میتیں اہلخانہ کے حوالے نہیں کررہی ہیں، حالانکہ ایسا کچھ نہیں تھا، مظاہرین نے خود کہا کہ مطالبات منظور ہونے تک لاشیں وصول نہیں کریں گے۔

یہ بھی پڑھیں: انسانیت کے دشمنوں نے الطاف حسین بھائی کے بارے میں افواہیں پھیلائیں، مصطفیٰ عزیز آبادی

ویڈیوز کی نمائش

وزیر اطلاعات سندھ نے نیوز کانفرنس میں مظاہرین کی جانب سے تشدد کی ویڈیوز بھی چلائی گئیں جن میں مختلف گاڑیوں کو اور لنجار ہاؤس کو آگ لگاتے ہوئے بھی دکھایا گیا۔

یہ بھی پڑھیں: دھماکہ خیز اور زہریلے مواد سے بھرے بحری جہاز بھارتی بندرگاہ کے قریب الٹ گیا، کنٹینرز ساحل کی طرف آنا شروع، الرٹ جاری

دھماکا خیز مواد اور خطرات

ان کا کہنا تھا کہ ان عناصر کے پاس کچھ ایسے لوگ تھے جن کے پاس دھماکہ خیز مواد موجود تھا جو ان کے بیگ پیک میں موجود تھے اور ان میں سے اکثر لوگوں نے اپنے چہرے چھپائے ہوئے تھے، احتجاج میں منہ کوں ڈھانپ کر آتا ہے؟

یہ بھی پڑھیں: پنجاب میں مصنوعی انسانی اعضاء کی ٹیکنالوجی ”بایونکس“ کا آغاز،وزیراعلیٰ مریم نوازنے6سالہ بچے کو مصنوعی بازو لگوادیئے

دیگر زبانوں کا استعمال

انہوں نے کہا کہ ان میں ایسے لوگ بھی تھے جو سندھی یا سرائیکی میں بھی بات نہیں کررہے تھے بلکہ وہ کوئی اور زبان استعمال کررہے تھے جب کہ نقاب پوش مظاہرین نے کیمیکل کے ذریعے لنجار ہاؤس کو آگ لگائی۔

یہ بھی پڑھیں: تحریک انصاف کے 15 ہزار سے زائد کارکنوں کیخلاف درج ایف آئی آر کا مسودہ منظر عام پر آگیا

کیمیائی مواد کی شدت

سینئر وزیر کا کہنا تھا کہ اسی بیک میں ان کے پاس جو مواد تھا، اس سے انہوں نے آئل ٹینکرز کو بھی آگ لگائی اور وزیر داخلہ سندھ ضیا الحسن لنجار کے گھر کو بھی آگ لگائی، وہ کیمکل ایسا تھا چند منٹوں میں دیواروں پر بھی آگ لگ گئی، حالانکہ دیواروں پر کبھی آگ نہیں لگتی۔

احتجاج کے نتیجے میں جھڑپیں

واضح رہے کہ سندھ میں کینالز کی تعمیر کے خلاف احتجاج کے دوران صوبائی وزیر داخلہ ضیا لنجار کے آبائی ضلع نوشہرو فیروز کے شہر مورو میں جھڑپوں کے دوران 2 افراد جاں بحق، ڈی ایس پی اور 6 پولیس اہلکاروں سمیت ایک درجن سے زائد افراد زخمی ہوگئے تھے۔ مظاہرین نے وزیر داخلہ سندھ ضیا الحسن لنجار کے گھر پر بھی حملہ کیا، مورو بائی پاس روڈ پر 2 ٹریلرز کو بھی نشانہ بنایا۔