بانی کے خلاف تمام مقدمات جھوٹے، انصاف کریں، جلد فیصلے دیں: پی ٹی آئی

پی ٹی آئی کی قیادت کا موقف

اسلام آباد (ڈیلی پاکستان آن لائن) پی ٹی آئی کی مرکزی قیادت نے کہا ہے کہ بانی کے خلاف تمام مقدمات جھوٹے ہیں، انصاف کریں اور جلد فیصلے دیں۔

یہ بھی پڑھیں: پنجاب بھر میں اساتذہ کے ساتھ ریشنلائزیشن میں ہونے والی حق تلفی کا ازالہ کیا جائے، اساتذہ کا مطالبہ

اسلام آباد ہائیکورٹ میں گفتگو

نجی ٹی وی دنیا نیوز کے مطابق اسلام آباد ہائیکورٹ کے باہر میڈیا سے گفتگو میں بیرسٹر گوہر علی نے کہا کہ انصاف ہوتا ہوا نظر آنا چاہئے، انصاف بغیر کسی فیور کے ملنا چاہئے۔ نواز شریف کو ایک کیس میں 70، دوسرے میں 91 دن بعد ضمانت ملی، جبکہ بانی پی ٹی آئی کو اتنے عرصے بعد بھی ضمانت نہیں ملی۔ بانی پی ٹی آئی کے خلاف تمام مقدمات بے بنیاد ہیں۔

یہ بھی پڑھیں: بلوچستان میں اہم پیش رفت، پاکستان ایکسپریس وے کی 800 کلومیٹر طویل شاہراہ پر تعمیراتی کام شروع

کیس کی صورتحال

بیرسٹر گوہر نے بتایا کہ بانی پی ٹی آئی کا کیس کازلسٹ میں شامل کر لیا گیا ہے، اور بانی پی ٹی آئی کی سزا معطلی کا کیس 5 جون کو سنا جائے گا۔

یہ بھی پڑھیں: میں اپنی بیٹی سے ڈرتی ہوں، وہ مجھے واپس تھپڑ بھی مار دے گی، بھارتی اداکارہ رانی مکھرجی

وزیراعلیٰ خیبر پختونخوا کا بیان

اس موقع پر وزیراعلیٰ خیبر پختونخوا علی امین گنڈاپور نے کہا کہ بانی پی ٹی آئی کے خلاف تمام مقدمات جھوٹے ہیں، اور قانون کو اپنی لونڈی بنایا ہوا ہے۔ انہوں نے مزید کہا کہ پاکستان کے آئین و قانون سے کھلواڑ کیا جا رہا ہے۔

یہ بھی پڑھیں: عام تعطیل، اڈیالہ جیل میں بانی پی ٹی آئی سے ملاقاتیں معطل کردی گئیں

قومی جنگ کی حمایت

علی امین گنڈاپور نے یہ بھی کہا کہ بانی پی ٹی آئی قوم اور ہمارے بچوں کی جنگ لڑ رہا ہے، اور عدلیہ سے درخواست کی کہ انصاف کریں اور جلد فیصلے کریں۔ ہماری تحریک جاری ہے۔ انہوں نے یہ بھی ذکر کیا کہ ہم عدلیہ کے ساتھ کھڑے ہیں، اور 26 ویں آئینی ترمیم کے خلاف رہے ہیں۔

علیمہ خان کی باتیں

پریس کانفرنس میں عمران خان کی ہمشیرہ علیمہ خان نے کہا کہ ہم عدالتوں کی مجبوری سمجھتے ہیں، اور بیرسٹر گوہر سے پوچھا اگر ان کے پاس کوئی خوشخبری ہے تو ہمیں بھی بتا دیں۔