اوہامہ کی سیکیورٹی پر تعینات خواتین اہلکار آپس میں لڑ پڑیں

سابق امریکی صدر باراک اوباما کے گھر باہر جھگڑا

واشنگٹن (ڈیلی پاکستان آن لائن) سابق امریکی صدر باراک اوباما کی واشنگٹن ڈی سی میں واقع رہائشگاہ کے باہر دو سیکرٹ سروس افسران کے درمیان جھگڑے کے بعد دونوں کو معطل کر دیا گیا ہے۔

یہ بھی پڑھیں: توشہ خانہ ٹو کیس؛ اسلام آباد ہائیکورٹ نے عمران خان کی ضمانت کی درخواست پر فیصلہ سنا دیا

واقعہ کی تفصیلات

فوکس نیوز کے مطابق، واقعہ 21 مئی کی علی الصبح پیش آیا جب دونوں وردی پوش افسران آپس میں الجھ پڑے۔ منظرعام پر آنے والی ویڈیو میں دونوں خواتین افسران کو ایک دوسرے پر ہاتھ اٹھاتے اور دھکے دیتے ہوئے دیکھا جا سکتا ہے۔

سیکرٹ سروس کا بیان

سیکرٹ سروس نے اس واقعے کی تصدیق کرتے ہوئے بتایا ہے کہ معاملے کی محکمانہ تحقیقات جاری ہیں اور ضابطہ اخلاق کی خلاف ورزی برداشت نہیں کی جائے گی۔ جھگڑے کی اصل وجہ واضح نہیں ہو سکی۔