جان سینا نے ڈبلیو ڈبلیو ای سے ریٹائر ہونے کی اصل وجہ بتا دی

جان سینا کی ریسلنگ سے ریٹائرمنٹ کا اعلان

نیو یارک (ڈیلی پاکستان آن لائن) پاکستان سمیت دنیا بھر میں مقبول ریسلر اور اداکار جان سینا نے ورلڈ ریسلنگ انٹرٹینمنٹ (ڈبلیو ڈبلیو ای) 2025 کے آخر تک ریسلنگ کو خیرباد کہنے کا اعلان کیا ہے۔ یہ اعلان جان سینا نے 2024 میں کینیڈا کے شہر ٹورنٹو میں منی ان دی بینک نامی ریسلنگ ایونٹ کے موقع پر کیا۔ اس موقع پر انہوں نے کہا کہ 2025 میں اپنے ریٹائرمنٹ ٹور کے بعد وہ ریسلنگ کی دنیا سے رخصت ہوجائیں گے۔

یہ بھی پڑھیں: رانا ثناء اللہ نے وی پی این استعمال کرنے والوں کو خوشخبری سنا دی

ریٹائرمنٹ کا فیصلہ

رواں سال کے دوران، انہوں نے ریسل مینیا 41 کے دوسری رات کے مین ایونٹ میں تاریخ رقم کرتے ہوئے کوڈی روڈز کو شکست دی اور ریکارڈ 17 ویں بار ڈبلیو ڈبلیو ای چیمپئن بن گئے۔ یہ پہلی بار ہے جب ڈبلیو ڈبلیو ای میں کوئی ریسلر 17 ویں بار چیمپئن بنا۔ تاہم، جان سینا نے اب پہلی بار بتایا کہ انہوں نے ڈبلیو ڈبلیو ای سے ریٹائر ہونے کا فیصلہ کیوں کیا۔ ایک انٹرویو کے دوران، جان سینا نے کہا کہ انہوں نے یہ فیصلہ اس لیے کیا کیونکہ اب ان کا جسم پہلے کی طرح مضبوط نہیں رہا۔

یہ بھی پڑھیں: ملتان: سسرالیوں نے حاملہ بہو کا گلا کاٹ دیا

جان سینا کا جسمانی حالت کا اعتراف

انہوں نے کہا کہ "اب میرا جسم پہلے جیسا نہیں رہا، یہاں تک کہ پہلے کی طرح وزن بھی نہیں اٹھا سکتا، تو میں وہ کام کرنا چاہتا ہوں جو آج میں بہترین انداز سے کر سکوں۔" انہوں نے مزید کہا کہ "آپ جانتے ہیں کہ ڈبلیو ڈبلیو ای کا راستہ ہمیشہ ایک جیسا رہتا ہے، جبکہ میری صلاحیتیں گھٹ رہی ہیں، تو یہ اس باب کو بند کرنے کا وقت ہے۔" انہوں نے وضاحت کی کہ انہوں نے ریسلنگ کو حقیقی طور پر چھوڑنے کا آئیڈیا ڈبلیو ڈبلیو ای کے سامنے پیش کیا اور توقع ظاہر کی کہ اس سے ان کے بزنس کو بھی فائدہ ہوگا، جسے انہوں نے قبول بھی کر لیا۔

یہ بھی پڑھیں: اپنے اپارٹمنٹ سے کاروبار شروع کرنے والے چین کے سب سے امیر شخص جن کی کمپنی میں کوئی سرمایہ کاری تیار نہیں ہوئی

جان سینا کا کیرئیر

48 سالہ جان سینا 2001 میں ڈبلیو ڈبلیو ای کا حصہ بنے اور انہیں ہر دور کے بہترین ریسلرز میں سے ایک مانا جاتا ہے۔ جان سینا نے 2006 میں اداکار کے طور پر اپنا کیرئیر فلم 'دی میرین' سے شروع کیا۔ اس کے بعد وہ متعدد فلموں کا حصہ بن چکے ہیں جن میں 'فاسٹ اینڈ فیوریس 9'، 'دی سوسائیڈ اسکواڈ' اور 'ٹرین ورک' قابل ذکر ہیں۔

یہ بھی پڑھیں: ستاروں کی روشنی میں آپ کا آج (جمعے) کا دن کیسا رہے گا؟

مکئی آسائشات کی تکمیل

2018 سے وہ پارٹ ٹائم ریسلر کی حیثیت سے ڈبلیو ڈبلیو ای سے جڑے ہوئے ہیں۔ وہ قریب المرگ بچوں کی خواہشات پوری کرنے والے ادارے میک اے وش سے بھی منسلک ہیں اور اس حوالے سے ان کا نام گنیز ورلڈ ریکارڈز میں درج ہے۔