جانوروں کی طرح نہیں کھاتا، خود کو انسان سمجھ کر کھاتا ہوں، وسیم اکرم

وسیم اکرم کا فٹنس پر زور

کراچی(ڈیلی پاکستان آن لائن) بین الاقوامی شہرت یافتہ کرکٹر اور سوئنگ کے سلطان وسیم اکرم کا کہنا ہے کہ خود کو فٹ رکھنے کے لیے روزانہ ایکسرسائز کرتا ہوں۔ انہوں نے کہا، "جان ہے تو جہان ہے"، اور سوشل میڈیا پر ہیلتھ اور فٹنس کی ویڈیوز کا مقصد نئی نسل کو صحت سے متعلق معلومات فراہم کرنا ہوتا ہے۔

یہ بھی پڑھیں: زیادہ تیل اور گیس خریدیں ورنہ… ڈونلڈ ٹرمپ کی یورپی یونین کو دھمکی

کھانے کی عادات

گزشتہ روز مقامی ہوٹل میں منعقدہ تقریب کے موقع پر میڈیا سے گفتگو کرتے ہوئے انہوں نے کہا کہ مجھے ریویوز اور ویوز سے کوئی فرق نہیں پڑتا۔ وسیم اکرم نے یہ بھی بتایا کہ وہ جانوروں کی طرح کھانا نہیں کھاتے، بلکہ خود کو انسان سمجھ کر کھاتے ہیں۔ انہوں نے مزید کہا، "کبھی یہ نہیں سنا ہو گا کہ کوئی انسان کم کھانے سے مر گیا، اگر آپ 25 نان کھا کر سوئیں گے تو صبح زندہ کیسے اٹھیں گے؟" وہ اپنے صبح اور شام کے کھانے میں اسپغول کا استعمال کرتے ہیں۔

فلموں میں کام کا تجربہ

انہوں نے ایک سوال کے جواب میں بتایا کہ انہیں یہ معلوم نہیں تھا کہ فلم میں کام کرنے کے لیے ایک ایک لائن یاد کرنی پڑے گی۔ وسیم اکرم نے کہا کہ لوگوں کو دور سے ڈراموں اور فلموں میں کام کرنا آسان لگتا ہے جبکہ ایسا بالکل نہیں ہے۔ انہوں نے فواد خان کے ساتھ شوٹنگ کے دوران سب فنکاروں کے ساتھ لاجواب گفتگو کا بھی ذکر کیا۔