سٹیٹ لائف کا سرکاری ملازمین کے لئے تاحیات پنشن سکیم لانے کا فیصلہ

تاحیات پنشن پراڈکٹ کا تعارف

کراچی(ڈیلی پاکستان آن لائن) سٹیٹ لائف نے تمام ریٹائرڈ سرکاری ملازمین کے لئے تاحیات پنشن پراڈکٹ متعارف کرانے کا فیصلہ کیا ہے۔ رواں سال کارپوریشن اپنے پالیسی ہولڈرز کو تاریخ کا سب سے بڑا بونس دے گی۔

یہ بھی پڑھیں: رجسٹرار سپریم کورٹ نے وفات پا جانے والی ججز کی بیوہ کو سیکیورٹی کے لئے وزارت داخلہ کو خط لکھ دیا۔

سی ای او کا بیان

نجی ٹی وی ایکسپریس نیوز کے مطابق، یہ بات سٹیٹ لائف انشورنس کارپوریشن کے سی ای او شعیب جاوید حسن نے نجی ٹی وی ایکسپریس نیوز سے خصوصی بات چیت کرتے ہوئے کہی۔ اس موقع پر سٹیٹ لائف انشورنس کے ایگزیکٹو ڈائریکٹر ڈاکٹر آفتاب امام بھی موجود تھے۔

یہ بھی پڑھیں: سکول ٹرپ کے دوران 5 کلاس فیلوز کی 13 سالہ لڑکے سے اجتماعی زیادتی

پنشن سکیم کی تفصیلات

شعیب جاوید حسن نے بتایا کہ مجوزہ پنشن سکیم کا خاکہ ایک ماہ میں تیار ہوجائے گا، جس کی منظوری حاصل کرنے کے لئے سمری وفاقی حکومت کو ارسال کردی جائے گی۔ ریٹائرڈ ملازمین کے لئے مجوزہ پنشن سکیم سے 70 سال کی عمر سے زائد افراد بھی استفادہ کرسکیں گے۔ اس ضمن میں کارپوریشن نے سکیورٹیز اینڈ ایکس چینج کمیشن آف پاکستان سے وی پی ایس لائسنس بھی حاصل کر لیا ہے۔ توقع ہے کہ مجوزہ پنشن سکیم رواں سال ہی متعارف کرادی جائے۔

یہ بھی پڑھیں: بھارت نے کسی قسم کی جارحیت مسلط کی توپوری قوم منہ توڑ جواب دے گی: فیصل آباد میں قومی یکجہتی کا نفرنس سے علماء کا خطاب

صحت کی دیکھ بھال کے منصوبے

سی ای او سٹیٹ لائف نے بتایا کہ ادارہ سندھ حکومت کے اشتراک سے سندھ میں پرائمری ہیلتھ کیئر کے منصوبوں پر بھی کام کر رہا ہے۔ اس سلسلے میں وزیراعلیٰ سندھ کی سربراہی میں ایک ورکنگ گروپ سرگرم عمل ہے۔

یہ بھی پڑھیں: اسرائیل اور ایران میں عسکری طاقت کا موازنہ: کون ہے زیادہ مضبوط؟

کارپوریٹ گروپ انشورنس کی ترقی

ایک سوال کے جواب میں شعیب جاوید حسین نے بتایا کہ کارپوریشن کی گروپ انشورنس کی نمو انتہائی حوصلہ افزاء ہے جبکہ مناسب قیمت اور سہولیات کی وجہ سے کارپوریٹ ہیلتھ میں بھی زبردست پذیرائی مل رہی ہے۔ اسی طرح تکافل پراڈکٹس کی گروتھ بھی حوصلہ افزاء ہے۔

میڈیا ورکرز کی صحت کارڈ سکیم

ایک اور سوال کے جواب میں چیئرمین سٹیٹ لائف نے بتایا کہ میڈیا ورکرز کے لئے متعارف کردہ ہیلتھ کارڈ سکیم سے خیبر پختونخوا اور پنجاب کے صحافی بھرپور انداز میں مستفید ہورہے ہیں، البتہ کراچی کے صحافیوں کی جانب سے ہیلتھ کارڈز کا استعمال انتہائی محدود ہے۔ اس سلسلے میں سٹیٹ لائف انشورنس کارپوریشن کراچی پریس کلب کے اشتراک سے صحافیوں کی آگاہی کے لئے باقاعدہ مہم شروع کرے گی۔