محکمہ موسمیات کی 24 گھنٹوں میں بارش اور تیز ہواؤں کی پیشگوئی

محکمہ موسمیات کی پیشگوئی

لاہور (ڈیلی پاکستان آن لائن) محکمہ موسمیات نے آئندہ 24 گھنٹوں میں ملک کے مختلف علاقوں میں تیز ہواؤں اور گرج چمک کے ساتھ بارش کی پیشگوئی کی ہے۔

یہ بھی پڑھیں: سولر پینلز کی قیمتوں میں مزید ہزاروں روپے کی کمی

مختلف علاقوں کی صورتحال

محکمہ موسمیات کے مطابق اسلام آباد، خطہ پوٹھوہار، شمال مشرقی پنجاب، بالائی خیبرپختونخوا، کشمیر اور گلگت بلتستان میں مطلع جزوی ابر آلود رہے گا۔ یہاں آندھی، تیز ہواؤں اور گرج چمک کے ساتھ چند مقامات پر بارش کا امکان ہے۔ اس دوران کشمیر، خطہ پوٹھوہار اور بالائی خیبرپختونخوا میں بعض مقامات پر موسلادھار بارش اور ژالہ باری کی بھی توقع ہے۔

یہ بھی پڑھیں: سینیٹ اجلاس :دیوالی نہ منانے پر دنیش کمار اور ہمایوں مہمند میں شدید تلخ کلامی

کراچی کی موسم کی صورتحال

ادھر محکمہ موسمیات کے مطابق کراچی میں گرمی کی شدت برقرار ہے اور موسم شدید گرم اور خشک رہنے کا امکان ہے۔ محکمہ موسمیات نے خبردار کرتے ہوئے کہا ہے کہ پارہ 41 ڈگری تک جا سکتا ہے۔

خیبرپختونخوا میں بارش کی توقع

محکمہ موسمیات نے خیبر پختونخوا میں آئندہ 24 گھنٹوں میں مزید بارش کی پیشگوئی کی ہے، پشاور سمیت مختلف علاقوں میں بارش متوقع ہے۔ اسلام آباد اور راولپنڈی میں ژالہ باری اور طوفان کا الرٹ جاری کر دیا گیا ہے۔ محکمہ موسمیات نے شہریوں کو حفاظتی تدابیر اختیار کرنے کا مشورہ دیا ہے۔