حکومت کا پیٹرول پمپس پر پیٹرول اور ڈیزل چوری روکنے کیلئے بڑا فیصلہ

وفاقی حکومت کا بڑا فیصلہ

کراچی (ڈیلی پاکستان آن لائن) وفاقی حکومت نے پیٹرول پمپس پر پیٹرول اور ڈیزل کی چوری روکنے کے لیے بڑا فیصلہ کیا ہے۔

یہ بھی پڑھیں: 2027 میں صدی کا طویل ترین سورج گرہن ہوگا

وفاقی وزیر کی میڈیا سے گفتگو

وفاقی وزیر پیٹرولیم علی پرویز ملک کا سوئی سدرن کے دفتر کے دورے کے موقع پر میڈیا سے گفتگو کرتے ہوئے کہنا تھا کہ وزارت پیٹرولیم نے پیٹرول پمپس پر چوری اور اسمگلنگ کے سدباب کے لیے بڑا فیصلہ کیا ہے۔

یہ بھی پڑھیں: لاہور ہائیکورٹ نے نجی میڈیکل کالجز کو طلبہ سے اضافی داخلہ فیس وصولی سے روک دیا

ڈیجیٹل نوزلز کا منصوبہ

وفاقی وزیر علی پرویز ملک کا کہنا تھا کہ حکومت نے پمپس پر پیٹرول ڈالنے والی نوزلز ڈیجیٹل کرنے کا منصوبہ بنایا ہے۔ ایک سوال کے جواب میں وزیر پیٹرولیم کا کہنا تھا کہ گھریلو گیس کنکشنز کے لیے وزیراعظم سے درخواست کروں گا، مقامی گیس دستیاب نہیں ہے، نئے گھریلو کنیکشنز امپورٹڈ گیس پر ہو سکتے ہیں۔

یہ بھی پڑھیں: جولائی میں غیر ملکی درآمدات میں 23 فیصد اضافہ، ایک ماہ میں 41 ارب 38 کروڑ روپے کے موبائل منگوائے گئے۔

بجلی گھروں کی ایل این جی خریداری

علی پرویز ملک کا کہنا تھا کہ بجلی گھر ایل این جی خریداری نہیں کر رہے۔ ایل این جی نہ خریدے جانے پر 400 ایم ایم سی ایف ڈی مقامی گیس سپلائی روکنی پڑ رہی ہے۔ پی ڈی ایل بڑھائی گئی لیکن فی الحال پیٹرولیم قیمت پر اس کا اثر نہیں ہے۔

امریکا کے ساتھ تجارت

امریکا کے ساتھ تجارت سے متعلق سوال پر وفاقی وزیر برائے پیٹرولیم کا کہنا تھا کہ امریکا سے امپورٹ بڑھانے کے لیے کمیٹی بنا دی گئی ہے۔