سوراب میں بینک اور انتظامی آفیسر کی رہائشگاہ پر دہشتگردوں کا بزدلانہ حملہ، ریاستی رٹ کو چیلنج کرنے کی مذموم کوشش ہے: ترجمان بلوچستان حکومت

دہشت گردوں کا بزدلانہ حملہ

کوئٹہ (ڈیلی پاکستان آن لائن) ترجمان بلوچستان حکومت شاہد رند نے کہا ہے کہ سوراب میں بینک اور انتظامی آفیسر کی رہائش گاہ پر دہشت گردوں کا بزدلانہ حملہ، ریاستی رٹ کو چیلنج کرنے کی مذموم کوشش ہے۔

یہ بھی پڑھیں: قوم کو عظیم کامیابی پر مبارک باد، مسلح افواج نے سر فخر سے بلند کر دیا: ہارون اختر

حملے کے نتائج

ترجمان بلوچستان حکومت کے مطابق سوراب بازار میں بینک لوٹ لیا گیا ہے، مختلف سرکاری افسران کے گھر جلائے گئے ہیں۔ حملے کے دوران اے ڈی سی ریونیو ہدایت بلیدی نے لڑتے ہوئے جام شہادت نوش کیا، وطن کے سپاہی نے جان کا نذرانہ دے کر بہادری کی نئی مثال قائم کی۔ اے ڈی سی رہائشگاہ پر خواتین اور بچے موجود تھے۔

ریاستی کارروائیاں

ترجمان بلوچستان حکومت شاہد رند نے کہا ہے کہ ہندوستان کی پراکسیز نے ان کی ایماء پر کارروائی کی ہے۔ ہم نے ریاست دشمن عناصر کی ہر کوشش ناکام بنانے کا عزم کر رکھا ہے۔ علاقے میں سرچ آپریشن جاری ہے، ایف سی، پولیس اور لیویز علاقے میں پہنچ گئی ہیں۔