پاکستان ریلویز نے 11 مہینوں میں کتنے پیسے کمائے؟ جان کر آپ کو بھی یقین نہیں آئے گا

پاکستان ریلویز کی ریکارڈ آمدن

راولپنڈی(ڈیلی پاکستان آن لائن) پاکستان ریلویز کو 11 ماہ کے دوران 83 ارب روپے کی ریکارڈ آمدن ہوئی ہے۔

یہ بھی پڑھیں: مدارس کا ہر نوجوان فوج کے ساتھ صف اول پر ہوگا، مولانا فضل الرحمان

آمدن کے ذرائع

پاکستان ریلویز کے ترجمان کے مطابق مسافر ٹرینوں سے 42 ارب اور مال گاڑیوں سے 29 ارب روپے حاصل ہوئے جبکہ دیگر ذرائع سے 12 ارب کا ریونیو حاصل ہوا۔

یہ بھی پڑھیں: ملزمان کی بروقت شناخت کیلئے ڈی این اے کا مرکزی ڈیٹا بیس بنانے کا فیصلہ

تاریخی ریکارڈ

ترجمان پاکستان ریلویز کے مطابق، کسی بھی مالی سال کے 11 ماہ میں اتنی آمدن تاریخ میں کبھی حاصل نہیں ہوئی۔ کراچی ڈویژن نے مسافر ٹرینوں سے 13 ارب اور مال گاڑیوں سے 25 ارب روپے کمائے، جبکہ لاہور ڈویژن نے مسافر ٹرینوں سے 10 ارب روپے اور مال گاڑیوں سے 75 کروڑ روپے کمائے۔ راولپنڈی اور ملتان ڈویژن نے پیشہ ور سیکٹر سے یکساں 4، 4 ارب روپے کی آمدن حاصل کی۔

ماضی کی کارکردگی

پاکستان ریلویز کے ترجمان کا بتانا ہے کہ گزشتہ مالی سال میں ریلویز نے ابتدائی 11 ماہ میں 77 ارب ریونیو اکٹھا کیا تھا۔ اس موقع پر وزیر ریلوے حنیف عباسی کا کہنا تھا کہ محنت اور لگن سے ریلوے کو پاؤں پر کھڑا کریں گے۔