جیکب آباد میں غیرت کے نام پر ملزم نے بھابھی اور نوجوان کو قتل کردیا
جیکب آباد میں غیرت کے نام پر قتل
جیکب آباد ( آئی این پی ) جیکب آباد میں غیرت کے نام پر ملزم نے بھابھی اور نوجوان کو قتل کردیا۔
یہ بھی پڑھیں: سپریم کورٹ میں پریکٹس اینڈ پروسیجر ترمیمی آرڈیننس کے خلاف ایک اور درخواست دائر
واقعے کی تفصیلات
تفصیلات کے مطابق جیکب آباد کی تحصیل گڑہی خیرو کے تھانہ محمد پور کی حدود گاؤں شہزادو لاشاری میں ملزم نے غیرت کے نام پر اپنی بھابھی اور نوجوان کو قتل کردیا۔ پولیس کے مطابق ملزم ماجد نے فائرنگ کرکے اپنی بھابھی شبیراں لاشاری اور نوجوان پیار علی جت کو قتل کردیا اور فرار ہوگیا۔ اطلاع پر پولیس نے پہنچ کر لاشوں کو اپنی تحویل میں لیکر اسپتال منتقل کیا جہاں ضروری کارروائی کے بعد لاشیں ورثہ کے حوالے کی گئیں۔
پولیس کی کارروائیاں
پولیس کے مطابق یہ واقعہ سیاہ کاری کے معاملے کا نتیجہ ہے۔ ملزم کی گرفتاری کے لیے علاقہ کی ناکبندی کی گئی ہے، تاہم آخری اطلاعات تک واقعے کا مقدمہ درج نہیں ہوا اور ملزم گرفتار نہیں ہوسکا۔ جیکب آباد میں سیاہ کاری کے الزام میں قتل کے واقعات میں غیر معمولی اضافہ پر سول سوسائٹی نے تشویش کا اظہار کیا ہے۔
