کراچی، 13 سالہ لڑکا اغواء، پولیس نے مقدمہ درج کر کے لڑکے کی تلاش شروع کر دی

کراچی میں لڑکے کے مبینہ اغوا کا واقعہ

کراچی (آئی این پی) منگھوپیر سلطان آباد سے 13 سالہ لڑکے آفتاب کے مبینہ اغوا کا انکشاف ہوا ہے۔ واقعے کا مقدمہ تھانہ منگھوپیر میں درج کر لیا گیا ہے۔

یہ بھی پڑھیں: بشریٰ بی بی نے پی ٹی آئی کا آج پشاور میں ہنگامی اجلاس طلب کرلیا

اغوا کی تفصیلات

مقدمہ مغوی لڑکے کے والد محمد بابر کی مدعیت میں درج کیا گیا ہے۔ والد نے بتایا کہ ان کا بیٹا آفتاب گھر کے قریب واقع "عمران آٹوز" پر مکینک کا کام سیکھنے جاتا تھا۔

مدعی کے مطابق، گزشتہ صبح آفتاب دکان پر جانے کے لیے گھر سے نکلا لیکن شام کو ان کی اہلیہ نے فون کرکے اطلاع دی کہ آفتاب تاحال گھر واپس نہیں آیا۔

شواہد اور تحقیقات

مدعی نے بتایا کہ دکان کے مالک عمران کے مطابق، آفتاب صبح دکان پر آیا تھا لیکن دوپہر کے وقت پانی پینے قریبی مسجد گیا اور واپس نہیں آیا۔ ایف آئی آر میں مدعی نے الزام عائد کیا ہے کہ ان کے بیٹے کو نامعلوم ملزم یا ملزمان نے اغوا کیا ہے۔

پولیس کے مطابق، مقدمہ درج کر کے لڑکے کی تلاش شروع کر دی گئی ہے اور تحقیقات جاری ہیں۔