اداکارہ سڈنی سوینی نے اپنے غسل کے پانی سے بنی صابن فروخت کے لیے پیش کردی

ہالی وُڈ اداکارہ کی نئی شراکت

لاس اینجلس (ڈیلی پاکستان آن لائن)  ہالی وُڈ اداکارہ سڈنی سوینی نے ایک صابن ساز کمپنی کے ساتھ شراکت میں ایک منفرد صابن متعارف کرایا ہے جو ان کے نہانے کے پانی سے تیار کیا گیا ہے۔ ڈاکٹر اسکوواچ نامی برانڈ کے ساتھ یہ محدود ایڈیشن صابن اگلے ماہ فروخت کے لیے دستیاب ہوگا۔ کمپنی اور اداکارہ نے انسٹاگرام پر اعلان کیا کہ صابن میں واقعی سوینی کے غسل  کے پانی کی آمیزش ہے۔

یہ بھی پڑھیں: علی امین گنڈاپور کی اڈیالہ جیل آمد،بانی پی ٹی آئی سے ملاقات کی اجازت نہیں ملی

مداحوں کی دلچسپی

سی این این کے مطابق یہ فیصلہ اس وقت لیا گیا جب پچھلے سال سڈنی سوینی کے ایک اشتہار کے بعد ان کے مداحوں نے ان کے نہانے کے پانی کے بارے میں بار بار سوالات کیے۔ یہ صابن 18 سال سے زائد عمر کے افراد کے لیے دستیاب ہوگا اور اس کی قیمت  آٹھ  ڈالر رکھی گئی ہے۔

صابن کی ترکیب

کمپنی کے مطابق اس صابن میں قدرتی خوشبوؤں جیسے پائن، فر اور موس کے ساتھ سڈنی کے نہانے کے پانی کی ہلکی سی آمیزش شامل ہے۔