ڈاکٹر صفدر محمود سے کہا گیا کہ سٹوڈنٹس میگزین / خبرنامہ کے اجراء کے لیے کام کریں، وہ جلد ہی اپنی دیگر مصروفیات کی وجہ سے پاکستان یوتھ موومنٹ چھوڑ گئے۔

مصنف: رانا امیر احمد خاں

قسط: 52

یہ بھی پڑھیں: زارا نور نے بیسٹ فرینڈ سجل علی سے دوستی ختم ہونے پر خاموشی توڑ دی

پاکستان یوتھ موومنٹ میں کردار

طالبعلم دوستوں کو سینئر ساتھیوں آفتاب احمد قرشی، سید افتخار شبیر، ایم اے ایم صدیقی صاحب سے ملوایا گیا۔ سٹوڈنٹ سرکل پاکستان یوتھ موومنٹ کی تنظیم کرتے ہوئے مختار احمد خان کو صدر اور مجھے جنرل سیکرٹری سٹوڈنٹ سرکل منتخب کیا گیا۔

یہ بھی پڑھیں: وزیر اعظم شہباز شریف نے ارشد ندیم کو بڑی خوشخبری سنا دی

سٹوڈنٹس میگزین کا آغاز

ڈاکٹر صفدر محمود سے کہا گیا کہ سٹوڈنٹس میگزین / خبرنامہ کے اجراء کے لئے کام کریں۔ تاہم، ڈاکٹر صفدر محمود جلد ہی اپنی دیگر مصروفیات کی وجہ سے پاکستان یوتھ موومنٹ چھوڑ گئے۔ بعدازاں عبدالرشید خان نے ایک سال تک سٹوڈنٹس میگزین کی ادارت کے فرائض انجام دیتے ہوئے بڑی سرگرمی سے خدمات انجام دیں۔

یہ بھی پڑھیں: ہم تو ٹھنڈے فرش پر سوتے اور جیل کا کھانا کھاتے تھے، عمران خان کو فائو اسٹار ہوٹل سے بہتر کھانا اور سہولیات دستیاب ہیں، خواجہ محمد آصف

ورک کیمپ کی شمولیت

سٹوڈنٹس سرکل کی جانب سے مختار احمد خان اور رانا امیر احمد خاں نے ملتان میں منعقدہ ایک 7 روزہ ورک کیمپ میں شرکت کی۔ یہ ورک کیمپ ملتان یوتھ موومنٹ کے جنرل سیکرٹری پروفیسر مرزا مبارک علی کی قیادت میں زیر تعمیر ریسلنگ یوتھ اسٹیڈیم میں جون 1962ء میں منعقد کیا گیا تھا۔ اس ورک کیمپ میں میاں چنوں سے آئے ہوئے کونسلر چیئرمین یونین کونسل غلام حیدر وائیں نے بھی شرکت کی۔

یہ بھی پڑھیں: ہمارے ایم پی ایز کو اے آئی کا پتہ ہی نہیں،کامیابی کا ایجنڈا طے کرنا ہو گا : ملک احمد خان

کامیابی کا اعزاز

اس ورک کیمپ کی اختتامی تقریب میں مجھے اس کیمپ کے بہترین ورکر کا انعام دیا گیا، جس سے ہماری جانفشانی کا اعتراف ہوا۔

یہ بھی پڑھیں: سپیکر کی ہمشیرہ کا انتقال، وزیر اعلیٰ کا اظہار افسوس

پاکستان یوتھ موومنٹ کی بلدیاتی برانچ کی تشکیل

بعدازاں گرمیوں کی تعطیلات کے دوران میں نے جڑانوالہ میں کچھ دن قیام کے دوران جڑانوالہ شہر میں پاکستان یوتھ موومنٹ کی برانچ کی تنظیم کا فریضہ اپنے سکول ٹائم کے دوستوں کلیم احسن، محمد ساجد بٹ، شیخ نور احمد، ابراہیم لودھی اور دیگر کے تعاون سے انجام دیا۔

یہ بھی پڑھیں: سیکیورٹی فورسز کا ڈیرہ اسماعیل خان کے علاقے کلاچی میں آپریشن، 7 خوارج ہلاک، ایک سپاہی شہید

یوتھ لیڈر شپ ٹریننگ کورس میں شرکت

اسی سال ہمارے سٹوڈنٹ سرکل کے دوستوں نے تعطیلات کے دوران گورنمنٹ کالج لاہور میں پاکستان یوتھ موومنٹ کی جانب سے منعقد کیے گئے ایک 3 روزہ یوتھ لیڈر شپ ٹریننگ کورس میں شرکت کی، جس میں مختلف شاخوں کے عہدیداران نے بھی حصہ لیا۔

یہ بھی پڑھیں: پاکستان کے فیلڈ مارشل عاصم منیر کا دورہ امریکہ، ان کے استقبال کے لیے کیا تیاریاں کی گئی ہیں؟ ویڈیوز سامنے آگئیں۔

فنڈ ریزنگ مہم میں شرکت

ویسٹ پاکستان یوتھ موومنٹ کی جانب سے ہر سال چلائی جانے والی 15 روزہ فنڈ ریزنگ مہم میں ہمارے سٹوڈنٹ سرکل کے دوستوں نے بھی حصہ لیا۔ ہم دوستوں نے مختار احمد خان اور حبیب اللہ وسیر کی ہمراہی میں اُس وقت کے شاہ نور فلم سٹوڈیو کا بھی رُخ کیا۔

فلم آرٹسٹس سے ملاقات

جہاں ہم نے اُس وقت کے فلم آرٹسٹ کمال، سنتوش کمار، درپن، محمد علی، صبیحہ خانم، زیبا، دیبا، بہار بیگم سے ملاقاتیں کیں، جن میں انہیں یوتھ موومنٹ کے مقاصد اور کام کے طریقہ کار کے بارے میں بتایا گیا۔ صرف سنتوش کمار نے 20 روپے عطیہ دیا جبکہ محمد علی نے انڈس ہوٹل میں اگلے روز آنے کو کہا اور وہاں 50 روپے عطیہ دئیے، جو آج کے 10 ہزار کے برابر ہیں۔

(جاری ہے)

نوٹ: یہ کتاب ”بک ہوم“ نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔