عیدالاضحیٰ پر عارضی نصب جھولوں پر پابندی عائد

پنجاب حکومت کی نئی پابندی

لاہور(ڈیلی پاکستان آن لائن) حکومت پنجاب نے عیدالاضحیٰ کے موقع پر عوامی تحفظ کیلئے عارضی نصب ہونیوالے مکینیکل جھولوں پر پابندی عائد کردی۔ تفریحی پارکوں میں مستقل بنیادوں پر نصب مکینیکل جھولوں کیلئے فٹنس سرٹیفکیٹ بھی لازمی قرار دیدیا گیا۔

یہ بھی پڑھیں: بالیوڈ اداکارہ 60 سال کی عمر میں انتقال کر گئیں

عارضی جھولوں پر پابندی

نجی ٹی وی سما نیوز کے مطابق حکومت پنجاب نے عوامی تحفظ کیلئے اہم فیصلہ کرتے ہوئے عیدالاضحی پر عارضی نصب ہونیوالے مکینیکل جھولوں پر پابندی عائد کردی۔

یہ بھی پڑھیں: ہم عوام کے ووٹ سے واپس آئیں گے، یہ ترامیم واپس کریں گے اور ایوان کی عزت دوبارہ بحال کریں گے، بیرسٹر گوہر

فٹنس سرٹیفکیٹ کی ضرورت

نوٹیفکیشن کے مطابق تفریحی پارکس میں مستقل بنیادوں پر نصب مکینیکل جھولوں کیلئے فٹنس سرٹیفکیٹ لازمی قرار دیا گیا ہے۔

یہ بھی پڑھیں: جنگلی حیات مستقبل کا سرمایہ ہے، تحفظ کرنا ہمارا فرض ہے: وزیر اعلیٰ مریم نواز

فٹنس سرٹیفکیٹ کا حصول

متن میں کہا گیا ہے کہ مستقل نصب مکینیکل جھولوں کے مالکان یا آپریٹرز ڈپٹی کمشنرز سے فٹنس سرٹیفکیٹ حاصل کریں، ضلعی انتظامیہ تصدیق کرے کہ ہر مکینیکل جھولا حفاظت کے معیارات پر پورا اترتا ہے۔

یہ بھی پڑھیں: اسلام آباد بلدیاتی انتخابات میں تاخیر؛ الیکشن کمیشن نے وفاقی وزیر داخلہ کو ذاتی حیثیت میں طلب کر لیا

انسانی جانوں کی حفاظت

نوٹیفکیشن کے مطابق پابندی کا فیصلہ انسانی جانوں کی حفاظت کیلئے کیا گیا ہے، پنجاب بھر میں ضلعی انتظامیہ حکم نامے پر عملدرآمد یقینی بنائے۔

ہدایات برائے ضلعی انتظامیہ

محکمہ داخلہ پنجاب نے صوبہ بھر کے ڈپٹی کمشنرز کو جھولوں پر پابندی سے متعلق ہدایت جاری کردی۔