پاکستان ریلویز نے عیدالاضحی پر سپیشل ٹرینوں کا شیڈول جاری کردیا
پاکستان ریلویز کی عیدالاضحی ٹرین شیڈول
لاہور(ڈیلی پاکستان آن لائن)پاکستان ریلویز نے عیدالاضحی پر سپیشل ٹرینوں کا شیڈول جاری کر دیا ہے۔
سپیشل ٹرینوں کی فہرست
نجی ٹی وی چینل ہم نیوز کے مطابق عید پر 5 سپیشل ٹرینیں چلائی جائیں گی:
- پہلی ٹرین: آج 2 جون دوپہر 1 بجے کراچی سے لاہور کے لئے روانہ ہوگی۔
- دوسری ٹرین: 3 جون صبح 10 بجے کوئٹہ سے پشاور کے لئے روانہ ہوگی۔
- تیسری ٹرین: 3 جون شام 5 بجے لاہور سے براستہ ملتان کراچی روانہ ہوگی۔
- چوتھی ٹرین: 3 جون رات 8 بجے کراچی سے راولپنڈی کے لئے روانہ ہوگی۔
- پانچویں ٹرین: 4 جون رات 8 بجے کراچی سے لاہور روانہ ہوگی۔
ٹرینوں کی کلاسز اور حفاظتی تدابیر
ترجمان ریلوے کے مطابق تمام ٹرینیں اکانومی، بزنس سٹینڈرڈ کلاس پر مشتمل ہوں گی۔ وزیر ریلوے حنیف عباسی نے کہا ہے کہ کسی قسم کی غفلت یا کوتاہی برداشت نہیں کی جائے گی، غفلت پر افسران و عملے کے خلاف سخت کارروائی ہوگی۔
