10 سال سے سندھ کو کچھ نہیں ملا، اس بار ازالے کی امید ہے: ناصر شاہ

سندھ کے صوبائی وزیر ناصر شاہ کا بیان

اسلام آباد (ڈیلی پاکستان آن لائن) صوبائی وزیر سندھ ناصر شاہ نے کہا ہے کہ گزشتہ دس سالوں کے بجٹ میں سندھ کو کچھ نہیں ملا۔ اس سال چھ سو چھیاسی ارب روپے کا بجٹ مانگا ہے۔ امید ہے کہ زیادتیوں کا ازالہ کیا جائے گا۔

یہ بھی پڑھیں: چار قتل کرنے والے قیدی نے اپنی بیوی کو جیل میں ازدواجی ملاقات کے دوران قتل کر دیا

بجٹ اجلاس میں شرکت

نجی ٹی وی آج نیوز کے مطابق وزیر بلدیات سندھ ناصر شاہ نے اسلام آباد میں میڈیا سے گفتگو کرتے ہوئے کہا کہ آج بجٹ کیلئے چاروں صوبوں اور وفاق کا اجلاس ہے، اجلاس میں اپنے تحفظات اور امیدیں پیش کریں گے۔

سندھ کے حق میں بہتری کی امید

ناصر حسین شاہ نے کہا کہ امید ہے کہ سندھ کے ساتھ 2013 سے ہونے والا سلوک نہیں رکھا جائے گا۔ گزشتہ سال سے سندھ کے حوالے سے بہتری آئی ہے، امید ہے کہ اس سال سندھ کے ساتھ ہونے والی زیادتی کا ازالہ ہو سکے گا۔