ملیر جیل سے 213 قیدی فرار ہوئے، 78 کو گرفتار کرلیا: آئی جی سندھ

کراچی میں قیدیوں کی فراری

کراچی (ڈیلی پاکستان آن لائن) آئی جی سندھ غلام نبی میمن نے کہا ہے کہ ملیر جیل سے 213 قیدی فرار ہوئے جن میں سے 78 کو گرفتار کرلیا گیا ہے۔

یہ بھی پڑھیں: مسیحی برادری کل “گڈ فرائیڈے” اور اتوار کو ایسٹر منائے گی، عوامی مقامات پر سیکیورٹی کے لئے ہدایات جاری

واقعہ کی تفصیلات

نجی ٹی وی جیو نیوز کے مطابق، کراچی میں میڈیا سے گفتگو کرتے ہوئے آئی جی سندھ نے کہا کہ ملیر جیل میں ٹوٹل 6 ہزار قیدی ہیں۔ گزشتہ روز زلزلے کے جھٹکوں کے بعد 2 سرکل کے قیدیوں کو باہر نکالا گیا، جس کے بعد قیدیوں نے جیل کے مرکزی دروازے کی طرف بھاگنا شروع کردیا۔ ان دونوں سرکل میں منشیات کے مقدمات کے قیدی موجود تھے۔

یہ بھی پڑھیں: لیسکو کی جانب سے ریکوری کے عمل میں تیزی، 283 نادہندگان سے کتنے واجبات وصول کر لیے گئے۔ جان کر آپ حیران رہ جائیں

سیکیورٹی انتظامات

غلام نبی میمن نے مزید کہا کہ مرکزی دروازے کے اندر جیل پولیس اور باہر ایف سی اہلکار تعینات ہوتے ہیں۔ قیدیوں کی بڑی تعداد کو دیکھ کر جیل پولیس اور ایف سی اہلکاروں نے ہوائی فائرنگ کی۔

قیدیوں کی گرفتاری

آئی جی نے کہا کہ ملیر جیل سے فرار ہونے والے 213 قیدیوں میں سے 78 کو گرفتار کر لیا گیا ہے، جبکہ باقی فرار قیدیوں کی گرفتاری کے لئے حکمت عملی بنا دی گئی ہے۔ ان کا کہنا تھا کہ جیل کے اندر اور اطراف میں سیکیورٹی کے انتظامات کو بڑھایا گیا ہے۔ پولیس کی اضافی نفری جیل کے اطراف کی آبادیوں میں سرچ آپریشن کر رہی ہے۔