امیر جماعت اسلامی حافظ نعیم الرحمان سے بنگلہ دیش کے سفیر کی ملاقات، خطے کی صورتحال پر تبادلۂ خیال

ملاقات کا مقصد

اسلام آباد (ڈیلی پاکستان آن لائن) امیر جماعت اسلامی حافظ نعیم الرحمان سے بنگلہ دیش کے سفیر اقبال حسین نے ملاقات کی۔ ملاقات میں دونوں ممالک، خطے کی صورتحال اور باہمی دلچسپی کے امور پر تبادلۂ خیال کیا گیا۔

یہ بھی پڑھیں: جوڈیشل ایکٹیوزم پینل نے پتنگ بازی پر مکمل پابندی کے لیے وزیراعلیٰ پنجاب کو خط لکھ دیا

موجود افراد

ڈپٹی سیکرٹری جنرل سید فراست شاہ، ڈائریکٹر جماعت اسلامی امور خارجہ آصف لقمان قاضی اور بنگلہ دیش کے ڈپٹی ہائی کمشنر امین الاسلام خان بھی اس موقع پر موجود تھے۔

یہ بھی پڑھیں: دل کی بیماریوں سے بچاؤ اور صحت مند دل کے لئے شعور اور آگاہی اجاگر کرنے کی ضرورت ہے، وفاقی وزیر صحت مصطفیٰ کمال

ملاقات کی جگہ

ملاقات امیر جماعت اسلامی کے اسلام آباد دفتر میں ہوئی۔ اس موقع پر جماعت اسلامی کے امیر حافظ نعیم الرحمان نے کہا کہ پاکستان اور بنگلہ دیش کو دفاع اور سلامتی کے حوالے سے ایک جیسے چیلنجز کا سامنا ہے، دونوں ممالک کے درمیان دفاع، تعلیم، تجارت اور ٹیکنالوجی کے شعبوں میں تعلقات کو فروغ دینا چاہیے۔

یہ بھی پڑھیں: پاکستان ایسوسی ایشن دبئی میں پاکستان-یو اے ای ٹریڈ کانفرنس اور بزنس نیٹ ورکنگ ایونٹ کا انعقاد کیاگیا

دوستی کا نیا دور

پاکستان اور بنگلہ دیش دوستی کے ایک نئے دور میں داخل ہوئے ہیں، عوامی سطح پر دونوں ممالک کو مزید قریب لانے کی ضرورت ہے۔

دوستانہ تعلقات کی اہمیت

حافظ نعیم الرحمان کا کہنا تھا کہ دونوں ممالک کے عوام کو ایک دوسرے سے الگ نہیں کیا جا سکتا، باہمی دوستی کو فروغ دینا دونوں ممالک کی تقویت کا باعث ہو گا۔ اس موقع پر حافظ نعیم الرحمان نے بنگلہ دیش کے سفیر کو جماعت اسلامی کے مختلف اداروں کے بارے میں آگاہی بھی دی۔