ثناء یوسف کی چترال میں تدفین کردی گئی

چترال میں تدفین

چترال(ڈیلی پاکستان آن لائن) گزشتہ روز فائرنگ سے قتل ہونے والی ٹک ٹاکر ثناء یوسف کی چترال میں تدفین کردی گئی۔ مقتولہ کی نمازِ جنازہ اور تدفین میں اہلِ علاقہ نے بڑی تعداد میں شرکت کی۔

یہ بھی پڑھیں: انٹرنیٹ کا مسئلہ حل ، سب میرین کیبل ٹھیک ہو گئی : پی ٹی اے کا دعویٰ

قتل کا واقعہ

ثناء یوسف کو گزشتہ روز اسلام آباد میں فائرنگ کے نتیجے میں قتل کیا گیا تھا، جس کے بارے میں ملزم کی گرفتاری کے حوالے سے آئی جی اسلام آباد علی ناصر رضوی نے پریس کانفرنس میں بتایا کہ ثناء یوسف کے قتل کے واقعے کے بعد اسلام آباد سمیت پورے ملک میں تشویش کی لہر دوڑ گئی تھی۔

ملزم کی معلومات

آئی جی کی گفتگو کے مطابق، ملزم میٹرک فیل اور 22 سال کا لڑکا ہے، جو بار بار ثناء یوسف سے رابطہ کرنے کی کوشش کر رہا تھا۔ ثناء یوسف نے ملزم کو متعدد بار رد کیا۔ خاص طور پر اس کی برتھ ڈے پر ملزم نے رابطے کی بھرپور کوشش کی، مگر ناکامی کے بعد اس نے قتل کا منصوبہ بنایا۔