دنیا کی سست ترین ٹرین جو 290 کلومیٹر کا فاصلہ 8 گھنٹے میں طے کرتی ہے، وجہ ایسی کہ آپ بھی سفر کرنا چاہیں گے

دنیا کی سست ترین ایکسپریس ٹرین

برن (ڈیلی پاکستان آن لائن) دنیا کی سست ترین ایکسپریس ٹرین کا اعزاز سوئٹزرلینڈ کی "گلیشیئر ایکسپریس" کو حاصل ہے، جو زرمٹ سے سینٹ مورٹز تک 290 کلومیٹر کا فاصلہ تقریباً 8 گھنٹوں میں طے کرتی ہے۔ اس کی اوسط رفتار محض 29 کلومیٹر فی گھنٹہ ہے، جو اسے دنیا کی سست ترین ایکسپریس ٹرین بناتی ہے۔

یہ بھی پڑھیں: 1600 سال پرانا لوہے کا وہ ستون جس پر آج تک زنگ نہیں لگا، توپ کا گولہ بھی اسے نہ گراسکا

مناظر کا حسین سفر

انڈیا ڈاٹ کام کے مطابق اس ٹرین کا مقصد تیز رفتار سفر نہیں بلکہ سوئس الپس کے دلکش مناظر سے لطف اندوز ہونے کا موقع فراہم کرنا ہے۔ راستے میں مسافر بلند و بالا پہاڑوں، گہری وادیوں اور خوبصورت دیہاتوں کے مناظر دیکھتے ہیں، اور سفر کے دوران طبیعت بگڑنے سے بچانے کے لیے ایک خاص قسم کی وائن بھی پیش کی جاتی ہے۔

تاریخی پس منظر

یہ ٹرین 1930 سے چل رہی ہے اور اپنے 290 کلومیٹر طویل سفر میں 90 سے زائد سرنگوں اور 300 پلوں سے گزرتی ہے۔ اگرچہ رفتار کم ہے، لیکن قدرتی خوبصورتی کے شوقین افراد کے لیے یہ ایک ناقابلِ فراموش تجربہ ہے، جس کی وجہ سے یہ ٹرین ہمیشہ سیاحوں میں مقبول رہتی ہے۔