ایلون مسک اور ٹرمپ کا ایک دوسرے پر سنگین الزامات کا تبادلہ

ٹرمپ اور ایلون مسک کے درمیان اختلافات

واشنگٹن (ڈیلی پاکستان آن لائن) امریکی صدر ڈونلڈ ٹرمپ اور الیکٹرک گاڑیاں بنانے والی امریکی کمپنی ٹیسلا اور امریکہ کے محکمہ برائے حکومتی کارکردگی (DOGE) کے سابق سربراہ ایلون مسک کے درمیان اختلافات شدت اختیار کر گئے۔

یہ بھی پڑھیں: کئی مہینے سرپلس رہنے کے بعد ملکی کرنٹ اکاؤنٹ خسارے میں چلا گیا

مشیر کا عہدہ چھوڑنے کی وجہ

نجی ٹی وی جیو نیوز کے مطابق گزشتہ دنوں دنیا کے امیر ترین شخص ایلون مسک نے صدر ٹرمپ کو بتائے بغیر مشیر کا اہم عہدہ چھوڑ دیا تھا، جس کے بعد مسک نے امریکی صدر کے ٹیکس میں کٹوتی اور اخراجات بل پر شدید تنقید کی تھی۔

یہ بھی پڑھیں: این اے 129 میں ہر حربہ استعمال کرنے کے باوجود بھی انتظامیہ اور ن لیگ کے ہاتھ پیر پھولے ہوئے ہیں، حماد اظہر

دوستی سے دشمنی کی طرف

ایلون مسک اور امریکہ کے صدر ڈونلڈ ٹرمپ کی دوستی ختم ہوتے ہی دشمنی میں بدل گئی اور اب ایک دوسرے پر سنگین الزامات کا تبادلہ ہورہا ہے۔

یہ بھی پڑھیں: سمندر پار پاکستانیوں کے لیے دروازے ہر وقت کھلے ہیں: بیرسٹر امجد ملک

الزامات کا تبادلہ

ٹیسلا کے بانی ایلون مسک نے الزام عائد کیا ہے کہ صدر ڈونلڈ ٹرمپ کا نام جنسی سکینڈلز میں بدنام ایپسٹین کی فائلوں میں موجود ہے۔ واضح رہے کہ جیفری ایپسٹین کمسنوں کے ساتھ جنسی زیادتی کے کئی واقعات میں ملوث قرار دیا گیا تھا اور سن 2019 میں وہ پراسرار طورپر جیل میں مردہ پایا گیا تھا۔

یہ بھی پڑھیں: سابق چیئرمین پنجاب پبلک سروس کمیشن صفدرجاوید سید انتقال کر گئے

ٹرمپ کی تنقید اور دھمکیاں

ٹرمپ نے اوول آفس میں ایک ٹی وی خطاب کے دوران کہا کہ وہ کانگریس میں زیر غور بل پر مسک کی تنقید سے بہت مایوس ہیں اور ساتھ ہی انہوں نے ایلون مسک کے اربوں ڈالر کے سرکاری معاہدے منسوخ کرنے کی دھمکی بھی دی۔

یہ بھی پڑھیں: جنگ کا ماحول بن چکا، امریکا ایران پر ایک سے دو دن میں حملہ کرسکتا ہے، سابق سفیر مسعود خان

مسک کی براہِ راست ردعمل

ایلون مسک نے بھی براہِ راست ردعمل دیتے ہوئے کہا کہ ٹرمپ 2024 کے انتخابات ان کی مدد کے بغیر نہیں جیت سکتے تھے۔ مسک نے لکھا کہ 'میرے بغیر ٹرمپ الیکشن ہار جاتے، ڈیموکریٹس ایوانِ نمائندگان پر قابض ہوتے اور سینیٹ میں ریپبلکنز کی تعداد صرف 51، 49 ہوتی'۔

یہ بھی پڑھیں: 9 مئی کو تحریکِ انصاف اور 10 مئی کو بھارت کو شکست دی، عطا اللہ تارڑ

ٹرمپ کا ردعمل

ڈونلڈ ٹرمپ نے ایلون مسک کے کہنے پر جو ناسا کی سربراہی کے لیے جیرڈ آئزک مین کا انتخاب کیا تھا، اب وہ نامزدگی بھی واپس لے لی۔

خارجی مرضی اور اجیر کی صورتحال

ایلون مسک نے ٹرمپ کے مواخذے کا مطالبہ کر دیا اور کہا کہ امریکی صدر ٹرمپ کا مواخذہ ہونا چاہیے۔ یاد رہے کہ امریکہ کے صدر ڈونلڈ ٹرمپ نے ایلون مسک کو سرکاری اخراجات میں کمی کے ادارے کی اہم ذمہ داریاں تفویض کی تھیں، تاہم چند روز قبل ایلون مسک نے ٹرمپ انتظامیہ سے اختلافات کے باعث سرکاری عہدے سے علیحدگی اختیار کر لی تھی۔