ملیر سے 5 پولیس اہلکار گرفتار، کس کارروائی میں ملوث تھے اور کیا اعتراف کیا۔

کراچی میں پولیس کی بڑی کارروائی

کراچی (ڈیلی پاکستان آن لائن) - کراچی پولیس نے ملیر میں ایک اہم کارروائی کے دوران اغوا برائے تاوان میں ملوث 5 پولیس اہلکاروں کو گرفتار کرلیا ہے۔

یہ بھی پڑھیں: افریقی ملک چاڈ کا ٹرمپ کی پابندی پر دوٹوک جواب، امریکیوں کے ویزے روک دیے

اغوا کی تفصیلات

پولیس حکام کے مطابق گرفتار اہلکاروں نے مدد علی کو بلاول جوکھیو گوٹھ سے گزشتہ شب اغوا کیا۔ انہیں آج ملیر میں کارروائی کے ذریعے بازیاب کرلیا گیا۔ ملزمان نے مغوی کے اہل خانہ سے لاکھوں روپے تاوان کا مطالبہ بھی کیا تھا۔

یہ بھی پڑھیں: کراچی سے شہریوں کے اغوا اور تاوان طلب کیے جانے کا معاملہ، لڑکی سمیت پولیس اہلکار کے بھی ملوث ہونے کا انکشاف

گرفتار ملزمان کی شناخت

’’جنگ‘‘ کے مطابق ملیر کینٹ پولیس کی کارروائی میں مغوی کو بازیاب کروایا گیا اور 5 اہلکار گرفتار ہوئے ہیں جن کی شناخت عبدالغفار، ریاض، راشد علی، خالد اور نعیم کے نام سے ہوئی ہے۔

قانونی کارروائی

پولیس حکام کا کہنا ہے کہ ملزمان نے تاوان طلب کرنے اور غیر قانونی حراست میں رکھنے کا اعتراف کیا ہے۔ ان کے خلاف قانونی کارروائی اور تفتیشی عمل جاری ہے۔