پی ٹی آئی جو تحریک شروع کرنے جارہی ہے ان کو اس سے کچھ نہیں ملے گا: رانا ثنا

رانا ثنا اللہ کا بیان

فیصل آباد (ڈیلی پاکستان آن لائن) وزیر اعظم کے معاون خصوصی برائے سیاسی امور رانا ثنا اللہ کا کہنا ہے کہ پی ٹی آئی جو تحریک شروع کرنے جارہی ہے ان کو اس سے کچھ نہیں ملےگا۔

یہ بھی پڑھیں: یک زبان: فلسطینیوں کے ساتھ قومی قیادت کی یکجہتی کا اظہار

پی ٹی آئی کی موجودہ حیثیت

نجی ٹی وی جیو نیوز کے مطابق فیصل آباد میں نماز عید کی ادائیگی کے بعد میڈیا سے گفتگو کرتے ہوئے رانا ثنا اللہ نے کہا کہ پی ٹی آئی اس وقت کوئی تحریک چلانے کی پوزیشن میں نہیں ہے۔

یہ بھی پڑھیں: ایشین یوتھ گرلز نیٹ بال چیمپئن شپ میں پاکستانی خواتین نے سعودی عرب کو شکست دے دی

اپوزیشن کے حوالے سے پیشکش

انہوں نے کہا کہ اپوزیشن وزیراعظم کی ملاقات کی پیشکش کو قبول کرے، اپوزیشن ہمارے ساتھ بیٹھے اور الیکشن قوانین میں ترامیم کرے۔

یہ بھی پڑھیں: چیمپئنز ٹرافی، پاکستان اور بھارت میں معاملات طے پا گئے

معاشی مسائل پر گفتگو

رانا ثنا نے مزید کہا کہ اپوزیشن 24 کروڑ عوام کے مسائل کے حل کے لیے ہمارے ساتھ بات کرے، معاشی خوشحالی ہر فرد کا مسئلہ ہے۔

یہ بھی پڑھیں: قومی اسمبلی کی نیشنل فوڈ اینڈ سکیورٹی کمیٹی کا اجلاس، سیڈترمیمی بل 2024کی منظوری

میثاق معیشت کی ضرورت

رانا ثنا نے کہا کہ اپوزیشن پہلے میثاق معیشت کرے، میثاق معیشت کے بعد سیاست سمیت دیگر مسائل پر بھی بات ہوجائے گی، پاکستان کو درپیش مسائل پر قومی اتفاق رائے پیدا کیا جانا چاہیے۔

پاکستان کی کامیاب پالیسی

ان کا مزید کہنا تھا کہ پاکستان نے بھارت کو ایسا جواب دیا کہ وہ آج دنیا میں رسوا ہو رہا ہے، پاکستان آج دنیا میں ایک مضبوط ملک کے طور پر جانا جا رہا ہے۔