12 سالہ لڑکے نے خواہش پوری نہ ہونے پر زندگی کا خاتمہ کرلیا

غریب خاندان کا المیہ

نارووال (ویب ڈیسک) غریب خاندان سے تعلق رکھنے والے 12 سالہ لڑکے نے عیدالاضحیٰ کے لیے نئے جوتے خرید کر نہ دینے پر خودکشی کر لی۔

یہ بھی پڑھیں: چین نے واضح کر دیا کہ وہ اپنے دوستوں کے ساتھ کھڑا ہے، بھارتی دفاعی تجزیہ کار نے آپریشن سندور کے اثرات بیان کردیے

حادثے کی تفصیلات

ڈان نیوز کے مطابق ماڈل ٹاؤن کے مزدور محمد نوید کے بیٹے احمد نے اپنے والدین سے عید کے لیے نئے جوتے خرید کر دینے کا مطالبہ کیا تھا، مگر غربت کے باعث والدین یہ خواہش پوری نہ کر سکے۔ لڑکے نے اس وقت اپنے گلے پر چھری پھیر کر خودکشی کر لی، جب نوید اور اُس کی بیوی گھر پر موجود نہیں تھے۔

طبی امداد اور قانونی کارروائی

12 سالہ احمد کو تشویش ناک حالت میں ڈی ایچ کیو ہسپتال منتقل کیا گیا، جہاں ایمرجنسی وارڈ میں موجود ڈاکٹر نے اُسے مردہ قرار دے دیا۔ پولیس نے ضروری قانونی کارروائی کے بعد لاش کو ورثا کے حوالے کر دیا۔