سکندر رضا نسلی تعصب کا شکار، شکایت پر مقامی کوچ معطل

سکندر رضا کی نسلی تعصب کی شکایت

لاہور(ڈیلی پاکستان آن لائن) پاکستانی نژاد زمبابوین کرکٹر سکندر رضا کو ویجن کپ کے دوران نسلی تعصب کا نشانہ بنایا گیا۔ آل راؤنڈر نے ہرارے میٹروپولیٹن کرکٹ ایسوسی ایشن (ایچ ایم سی اے) کو مقامی کوچ بلیسنگ مافوا کے خلاف درخواست جمع کروائی، جس پر انہیں معطل کردیا گیا۔

یہ بھی پڑھیں: ایلون مسک سے بات کرنے میں کوئی دلچسپی نہیں، سوشل میڈیا پر بحث کے بعد امریکی صدر کا تازہ بیان آگیا

واقعہ کی تفصیلات

یہ واقعہ اُس وقت پیش آیا جب سکندر رضا رینبو کرکٹ کلب کے خلاف اولڈ ہراریئنز کی نمائندگی کر رہے تھے۔ آل راؤنڈر بلے بازی کے بعد میدان سے باہر جا رہے تھے، اِس دوران مقامی کوچ بلیسنگ مافوا نے انھیں نامناسب جملے کہے۔

یہ بھی پڑھیں: شیر افضل مروت پارٹی کا حصہ نہیں، عمران خان نے ان کو پہلے ہی نکال دیا تھا، علیمہ خان

تحقیقات کا عمل

کرک انفو کو چیئرمین ایچ ایم سی اے تافدضوا مادورو نے تصدیق کی کہ اُنھیں سکندر رضا کو نسلی تعصب کا نشانہ بنائے جانے کی شکایت موصول ہوئی ہے اور اس معاملے کی تحقیقات جاری ہیں۔ مقامی کوچ بلیسنگ مافوا اپنے اوپر عائد الزامات کے حوالے سے 10 جون کی سماعت میں اپنا مؤقف پیش کریں گے، تاہم اس دوران وہ کرکٹ کی تمام سرگرمیوں سے معطل رہیں گے۔

ایچ ایم سی اے کا مؤقف

تافدضوا مادورو نے مزید کہا کہ ہم اس طرح کے الزامات کو انتہائی سنجیدگی سے لیتے ہیں۔ ہرارے میٹروپولیٹن کرکٹ ایسوسی ایشن میں نسلی تعصب کی کوئی گنجائش نہیں، ہم چاہتے ہیں کہ اس معاملے کی جلد از جلد تحقیقات مکمل ہوں۔