امدادی سامان غزہ لانیوالے جہاز میڈلین سے اغوا، 12 امدادی کارکنان حراستی مرکز منتقل

غزہ میں امدادی سامان کا جہاز میڈلین

تل ا بیب (ڈیلی پاکستان آن لائن) امدادی سامان غزہ لانے والے جہاز میڈلین سے اغوا 12 امدادی کارکنان کو حراستی مرکز منتقل کردیا گیا۔

یہ بھی پڑھیں: حج آپریشن شروع، پہلی پرواز اسلام آباد سے 428 عازمین کو لیکر مدینہ منورہ پہنچ گئی

حراستی مرکز میں منتقلی

نجی ٹی وی جیو نیوز کے مطابق میڈلین جہاز کے امدادی کارکنان کو اسرائیلی ائیرپورٹ کے حراستی مرکز منتقل کردیا گیا جنہیں ڈی پورٹ کیے جانے کا امکان ہے۔

یہ بھی پڑھیں: اسرائیل کا چھ ایرانی ہوائی اڈوں پر حملے میں 15 طیارے تباہ کرنے کا دعویٰ

تیونس اور الجزائر کا قافلہ

ادھر تیونس اور الجزائر کے سیکڑوں کارکنوں کا قافلہ غزہ جانے کےلیے مصر کی رفح کراسنگ کی طرف گامزن کیا جارہا ہے۔

یہ بھی پڑھیں: سونے کی قیمت میں کمی

حالیہ ہلاکتیں

دوسری جانب گزشتہ 24 گھنٹوں میں اسرائیل نے مزید 60 فلسطینی شہید کردیے جن میں سے 14 افراد کو امدادی مرکز کے قریب نشانہ بنایا گیا ہے۔

یہ بھی پڑھیں: بنگلہ دیشی ائیر لائن کا پہیہ دوران پرواز غائب ہوگیا

فریڈم فلوٹیلا کا واقعہ

واضح رہے گزشتہ روز فریڈم فلوٹیلا کولیشن میں شامل غزہ میں امداد لے جانے والی کشتی 'میڈلین' کو قبضے میں لے کر اسرائیل پہنچایا گیا تھا۔

ویڈیو دکھانے کی کوشش

بندرگاہ پہنچنے کے بعد کشتی میں سوار افراد کو ایک کمرے میں لے جاکر زبردستی 7 اکتوبر 2023 کو حماس کی جانب سے اسرائیل پر کیے جانے والے حملے کی ویڈیو دکھائی گئی تاہم ان افراد نے ویڈیو کو دیکھنے سے انکار کردیا تھا۔