وزیراعظم شہبازشریف 12جون کو متحدہ عرب امارات کا سرکاری دورہ کریں گے
وزیراعظم شہباز شریف کا دورہ متحدہ عرب امارات
اسلام آباد (ڈیلی پاکستان آن لائن) وزیراعظم شہباز شریف 12 جون کو متحدہ عرب امارات کا سرکاری دورہ کریں گے۔
وفد کی تفصیلات
نجی ٹی وی چینل دنیا نیوز کے مطابق، نائب وزیراعظم اسحاق ڈار، وفاقی وزرا، اور سینئر حکام پر مشتمل اعلیٰ سطح کا وفد ہمراہ ہوگا۔ وزیراعظم شہباز شریف متحدہ عرب امارات کی قیادت سے اعلیٰ ملاقاتیں کریں گے۔
اہم ملاقاتیں
وزیراعظم، صدر یو اے ای اور ابوظہبی کے حکمران شیخ محمد بن زید النہیان سے دو طرفہ ملاقات کریں گے۔ ملاقاتوں میں باہمی دلچسپی کے دو طرفہ، علاقائی اور عالمی امور پر تبادلہ خیال کیا جائے گا۔
پاکستان اور یو اے ای کے تعلقات
ترجمان دفتر خارجہ کا کہنا ہے کہ پاکستان اور یو اے ای کے تعلقات باہمی اعتماد، مشترکہ اقدار، اور قریبی تعاون پر مبنی ہیں۔ وزیراعظم کا دورہ پاکستان اور یو اے ای کے گہرے برادرانہ تعلقات کا عکاس ہے۔
