ڈاکٹر شعیب سرور ہاشمی اور ڈاکٹر عاصم یوسف کی اہم ملاقات،پیشنٹ مینجمنٹ اور ڈونر مینجمنٹ سسٹم کو ٹیکنالوجی سے لیس کرنے پر گفتگو

اہم ملاقات کا آغاز

لاہور (ڈیلی پاکستان آن لائن) سرور شاہدہ ٹرسٹ کے صدر ڈاکٹر شعیب سرور ہاشمی اور شوکت خانم ہسپتال کے چیف میڈیکل آفیسر ڈاکٹر عاصم یوسف کے درمیان ایک اہم ملاقات ہوئی۔ اس موقع پر ڈاکٹر عاصم یوسف نے سرور شاہدہ ٹرسٹ کے وژن اور مشن کو بھرپور انداز میں سراہا، جس کا مقصد موجودہ دور میں پیشنٹ مینجمنٹ سسٹم، ڈونر مینجمنٹ سسٹم کو ٹیکنالوجی سے مزید لیس کرنے پر گفتگو ہوئی۔

یہ بھی پڑھیں: ترکیہ گریٹ یونین پارٹی کا پاکستان سے اظہار یکجہتی، ہمیں اپنے برادر ملک کے ساتھ کھڑا ہونا چاہیے: چئیرمین مصطفیٰ دستجی کا خطاب، ویڈیو دیکھیں

پیشرفت اور چیلنجز

ڈاکٹر عاصم یوسف نے خاص طور پر سرور شاہدہ میموریل کارڈک سینٹر اینڈ ریسرچ انسٹیٹیوٹ کے او پی ڈی فیز اے کی پیش رفت اور اس دوران درپیش چیلنجز کے باوجود حاصل ہونے والی کامیابیوں کو سراہا۔ انہوں نے کہا کہ ایسے منصوبے پاکستان میں صحت کے شعبے میں ایک مثبت تبدیلی کی علامت ہیں۔

نیک تمنائیں

آخری میں ڈاکٹر عاصم یوسف نے سرور شاہدہ ٹرسٹ کی ٹیم کے لیے نیک تمناؤں کا اظہار کیا اور امید ظاہر کی کہ یہ ادارہ اپنے انسان دوست مشن کو مزید کامیابی سے آگے بڑھائے گا۔