کرشمہ کپور کے سابق شوہر سنجے کپور دل کا دورہ پڑنے سے چل بسے

بھارتی صنعتکار سنجے کپور کی وفات

لندن (ڈیلی پاکستان آن لائن) بالی وڈ اداکارہ کرشمہ کپور کے سابق شوہر اور معروف بھارتی صنعت کار سنجے کپور 53 سال کی عمر میں انتقال کرگئے۔

یہ بھی پڑھیں: حکیم شہزاد عرف لوہا پاڑ کے وارنٹ گرفتاری منسوخ

سنجے کپور کا اچانک انتقال

بھارتی میڈیا رپورٹس کے مطابق سنجے کپور لندن کے نواحی علاقے میں واقع گارڈز پولو کلب میں پولو کھیلتے ہوئے اچانک گر پڑے، انہیں فوری طور پر طبی امداد فراہم کی گئی لیکن وہ جانبر نہ ہوسکے۔

رپورٹ میں بتایا جارہا ہے کہ انہیں پولو میچ کے دوران اچانک دل کا دورہ پڑا تھا۔

یہ بھی پڑھیں: کسی کے سسکیوں کا ماتم کرنے والا نہیں۔۔۔

کاروباری کامیابی

سنجے کپور آٹو موبائل کمپنی "سونا کومسٹار" کے چیئرمین تھے، جو عالمی سطح پر آٹو پارٹس فراہم کرنے والی معروف کمپنی سمجھی جاتی ہے۔ انہوں نے ایم آئی ٹی اور ہارورڈ بزنس سکول سے تعلیم حاصل کی تھی۔

یہ بھی پڑھیں: این سی سی آئی اے کے سابق سربراہ وقار الدین سید کو 4 ماہ کے لیے معطل کر دیا گیا

شادی اور خاندان

سنجے کپور اور کرشمہ کپور 2003 میں شادی کے بندھن میں بندھے تھے، تاہم باہمی اختلافات کے باعث 2016 میں اُن کی طلاق ہوگئی۔ اُن کے دو بچے بیٹی سمیرا اور بیٹا کیان ہیں۔

یہ بھی پڑھیں: میر علی میں خوارج کا خودکش حملہ ناکام، 4خوارجی جہنم واصل

تنہائی کا لمحہ

وفات سے چند گھنٹے قبل سنجے کپور نے سوشل میڈیا پر احمد آباد میں پیش آنے والے طیارہ حادثے پر اظہارِ افسوس کیا تھا، جس کی پوسٹ سوشل میڈیا پر تیزی سے وائرل ہورہی ہے۔

یہ بھی پڑھیں: لیسکو میں شجرکاری مہم، ماحولیاتی تبدیلیوں کے خلاف اپنی ذمہ داری ادا کریں گے: سی ای او

صنعت میں گہرے دکھ کا اظہار

سنجے کپور کی اچانک وفات پر بھارتی فلم انڈسٹری سمیت کاروباری حلقوں میں گہرے دکھ کا اظہار کیا جارہا ہے۔ کرشمہ کپور سے تعزیت کیلئے کرینہ کپور، سیف علی خان، ملائکہ اروڑہ سمیت متعدد قریبی رشتہ دار اور دوست ان کے گھر پہنچ گئے ہیں۔

آخری رسومات

سنجے کپور کی آخری رسومات لندن میں ادا کیے جانے کا امکان ہے، تاہم اس حوالے سے اہل خانہ کی جانب سے تاحال کوئی باضابطہ اعلان سامنے نہیں آیا۔