پنجاب کی بیٹی اب صرف خواب نہیں دیکھتی، اُنہیں پورا کرنے کا ہنر بھی رکھتی ہے یہی ہماری کامیابی ہے: وزیر اعلیٰ مریم نواز

وزیراعلیٰ پنجاب کا خواتین کی مالی خودمختاری کا وژن

لاہور (ڈیلی پاکستان آن لائن) وزیراعلیٰ پنجاب مریم نواز نے خواتین کی مالی خودمختاری کا ڈیجیٹل وژن دیا ہے۔ مریم نواز کی قیادت میں ہر بیٹی کے ہاتھ میں ٹیکنالوجی کی طاقت ہوگی۔ وزیر اعلیٰ مریم نواز کی ہدایت پر ویمن ایمپاورمنٹ کے لیے پی آئی ٹی بی کے اختراعی وانقلابی پروگرام کے شاندار نتائج سامنے آئے ہیں۔

یہ بھی پڑھیں: عمران خان نے عالیہ حمزہ کی سربراہی میں چار رکنی سیاسی کمیٹی بنادی

صنعت زار پلیٹ فارم اور جدید سکلز ٹریننگ سینٹرز

پنجاب کے ہر ضلع میں صنعت زار پلیٹ فارم ماڈرن سکلز ٹریننگ سینٹرز کا مربوط ڈیجیٹل اشتراک ہے۔ "SheWins" پروگرام کے تحت خواتین کے لیے ای-کامرس، سوشل میڈیا مارکیٹنگ اور کانٹینٹ کریئیشن جیسی ٹریننگ جاری ہے۔

یہ بھی پڑھیں: بیٹی کی پیدائش کے بعد کرن اشفاق نے 15 کلو وزن کس وجہ سے کم کیا؟

مالی خودمختاری کی راہ پر گامزن خواتین

پنجاب بھر میں خواتین کی "SheWins" پروگرام میں بھرپور دلچسپی سے ذاتی آمدن کے ذریعے مالی خودمختاری کی راہ پر گامزن ہیں۔ صنعت زار پلیٹ فارم کے ذریعے ہر ضلع میں ہنرمند خواتین کے لیے مواقع، مارکیٹ تک رسائی بھی ممکن ہوئی ہے۔ اسی طرح پنجاب بھر میں ویمن ڈویلپمنٹ سینٹرز پری یونیورسٹی طالبات کو ٹریننگ، قانونی رہنمائی اور لیڈرشپ کے مواقع فراہم کریں گے۔

یہ بھی پڑھیں: وکلاء ملک کی سول سوسائٹی اور عوام سب مل کر بھی کسی گناہ گار کو معافی نہیں دے سکتے, وگرنہ بہت سے لوگ معافی حاصل کرنے کے حقدار بن جائیں گے

ویمن ڈویلپمنٹ سینٹرز کی اہمیت

ویمن ڈویلپمنٹ سینٹرز پنجاب کے ہر کیمپس میں محفوظ ماحول میں خواتین کی ٹریننگ، خود مختاری اور خود اعتمادی میں اضافے کا سبب ہیں۔

وزیراعلیٰ کا پیغام

وزیراعلیٰ مریم نواز نے کہا کہ پنجاب کی بیٹیوں کو جینے، سیکھنے اور آگے بڑھنے کا پورا حق حاصل ہے۔ پنجاب کی بیٹی اب صرف خواب نہیں دیکھتی، اُنہیں پورا کرنے کا ہنر بھی رکھتی ہے۔ یہ ہماری کامیابی ہے۔ ٹیکنالوجی خواتین کو مالی طور پر خود مختار بنانے کے لیے PITB کا کردار قابلِ ستائش ہے۔