ایران دشمنی اور اسرائیل نوازی، بھارت کی دوغلی سفارتکاری بے نقاب، شنگھائی تعاون تنظیم کے اجتماعی مؤقف سے علیٰحدہ کیوں رہا؟ تہلکہ خیز رپورٹ

بھارت کی دوغلی سفارتکاری بے نقاب

لاہور ( طیبہ بخاری سے ) ’’ایران دشمنی اور اسرائیل نوازی‘‘، بھارت کی دوغلی سفارتکاری بے نقاب، شنگھائی تعاون تنظیم کے اجتماعی مؤقف سے علیٰحدہ کیوں رہا؟ اس حوالے سے اہم تفصیلات توجہ طلب ہیں۔

یہ بھی پڑھیں: عید الاضحیٰ پر گوشت سے بنے پکوان کھاتے وقت کن باتوں کا خیال رکھنا ضروری ہے؟ وہ معلومات جو آپ کیلئے مفید ہوسکتی ہیں

ایران کے ساتھ دوستانہ دعوے اور خنجر

تفصیلات کے مطابق اسرائیل کی ایران کے خلاف بلاجواز جارحیت کے بعد اب یہ واضح ہو گیا ہے کہ بھارت دوغلی سفارتی پالیسی پر عمل پیرا ہے۔ ایک جانب وہ ایران کے ساتھ دوستی کے دعوے کرتا ہے اور دوسری جانب ایران کی پیٹھ میں چھرا گھونپ رہا ہے۔ بھارت کی وزارت خارجہ کی جانب سے جو بیان دیا گیا ہے وہ بھی اس کے دوغلے پن کا مظہر ہے۔ بیان میں صرف یہ کہا گیا کہ ’’ہم دونوں فریقین پر زور دیتے ہیں کہ وہ کشیدگی کو کم کرنے کیلیے مکالمے اور سفارت کاری کو بروئے کار لائیں‘‘۔ اس بیان سے بالکل واضح ہے کہ بھارت اپنے نظریات کے قریب ترین دوست اسرائیل کو ناراض نہیں کرنا چاہتا ہے۔

یہ بھی پڑھیں: کراچی، دن کے اوقات میں ڈمپرز کا شہر میں داخلہ بند

شنگھائی تعاون تنظیم کا مؤقف

دوسری جانب شنگھائی تعاون تنظیم میں اسرائیل کے حالیہ فضائی حملوں کے تناظر میں جاری کیے گئے مشترکہ اعلامیے میں جہاں تمام رکن ممالک نے ایران کے ساتھ اظہار یکجہتی کرتے ہوئے اسرائیلی کارروائی کی شدید مذمت کی، وہاں پر بھی بھارت نے خود کو اس اجتماعی مؤقف سے علیٰحدہ کر کے اپنی دوغلی سفارتکاری اور مفاد پرستی کو آشکار کر دیا۔

یہ بھی پڑھیں: طیارے گرنے کے بھارتی فوج کے اعتراف کے بعد کانگریس نے مودی سرکار سے ایک اور مطالبہ کر دیا

اقوام متحدہ کے اصولوں کی خلاف ورزی

شنگھائی تعاون تنظیم کے جاری کردہ اعلامیے میں اسرائیلی حملے کو اقوام متحدہ کے چارٹر اور بین الاقوامی قوانین کی کھلی خلاف ورزی قرار دیا گیا۔ اعلامیے میں واضح طور پر کہا گیا کہ ایران کی خودمختاری پر حملہ عالمی اور علاقائی امن کے لیے خطرہ ہے، جب کہ عام شہریوں کی ہلاکت اور انفراسٹرکچر کو نشانہ بنائے جانے پر شدید تشویش کا اظہار کیا گیا۔ فورم نے سیاسی و سفارتی حل کی ضرورت پر زور دیتے ہوئے عسکری کارروائیوں کی بھرپور مخالفت کی۔

یہ بھی پڑھیں: آئندہ برس سونے کی قیمت کہاں پہنچے گی؟ امارات کے ماہرین کی بڑی پیشگوئی

بھارت کی جانب سے علیحدگی

تاہم بھارت، جو خود شنگھائی تعاون تنظیم کا باضابطہ رکن ہے، اس اجتماعی اعلامیے کا حصہ نہ بن سکا۔ بھارت نے ایک الگ، مبہم بیان جاری کیا جس میں نہ تو اسرائیلی جارحیت کی مذمت کی گئی اور نہ ہی ایران کے ساتھ یکجہتی کا اظہار کیا گیا۔ یہ روش اس بات کا واضح ثبوت ہے کہ بھارت اپنی خارجہ پالیسی کو اصولوں نہیں بلکہ موقع پرستی، اسلحہ سودوں اور علاقائی سیاسی مفادات کی بنیاد پر ترتیب دیتا ہے۔

یہ بھی پڑھیں: مودی پاکستان سے نفرت کرتا ہے وہ انتقام لے گا، قوم نے متحد اور الرٹ رہنا ہے:عمران خان

رکنیت کے سوالات

بھارت کا یہ مؤقف شنگھائی تعاون تنظیم کے بنیادی اصولوں سے انحراف کے مترادف ہے، جو اقوام متحدہ کے چارٹر، ریاستی خودمختاری کے احترام اور علاقائی یکجہتی پر زور دیتا ہے۔ اگر بھارت ان اصولوں کا احترام نہیں کرتا، تو اس کی رکنیت پر بھی سوال اٹھتے ہیں اور اب شنگھائی تعاون تنظیم بھارت کی رکنیت بحال رکھنے کے حوالے سے بھی کوئی فیصلہ کرنے کا وقت آگیا ہے۔

ایرانی عوام کے ساتھ ناانصافی

بھارت کا طرز عمل نہ صرف ایرانی عوام کے ساتھ ناانصافی ہے بلکہ یہ شنگھائی تعاون تنظیم کے اتحاد اور مقصدیت کو نقصان پہنچانے کے مترادف ہے۔ اس عمل کو ایران کے خلاف خاموش حمایت اور اسرائیل کے ساتھ درپردہ مفادات کا عکاس سمجھا جا رہا ہے۔ بھارت ایک طرف تہذیب، انسانیت اور اصولوں پر مبنی خارجہ پالیسی کا دعویٰ کرتا ہے، مگر دوسری طرف اسرائیلی مظالم پر خاموشی اختیار کر کے وہ ان دعوؤں کو خود ہی جھوٹا ثابت کرتا ہے۔ شنگھائی تعاون تنظیم جیسے اہم علاقائی اتحاد میں بھی بھارت کی جانب سے یکجہتی کے بجائے مفاد پرستانہ طرز عمل اس کی اخلاقی ساکھ کو بری طرح متاثر کر رہا ہے.