ایران، اسرائیل تنازعے کے حل کیلئے جی 7 ممالک کا چار نکاتی حل سامنے آگیا

جرمن چانسلر میرز کی گفتگو

برلن (ڈیلی پاکستان آن لائن) جرمن چانسلر میرز نے کہا ہے کہ آئندہ جی 7 اجلاس میں اسرائیل اور ایران کے درمیان جاری کشیدگی کے حل کے لیے چار اہم نکات پر اتفاق ہو سکتا ہے۔ وہ کینیڈا روانگی سے قبل صحافیوں سے گفتگو کر رہے تھے۔

چار اہم نکات

انہوں نے کہا کہ چار نکات یہ ہیں:

• ایران کو جوہری ہتھیار تیار کرنے یا رکھنے کی اجازت نہیں دی جا سکتی۔
• اسرائیل کو وجودی خطرات کے خلاف دفاع کا حق حاصل ہے، اور ایران کا جوہری پروگرام ایسا ہی ایک خطرہ ہے۔
• اس تنازع کو مزید بڑھنے سے روکنا ضروری ہے۔
• سفارت کاری کے لیے گنجائش پیدا کی جانی چاہیے۔

جرمنی کی تیاری

الجزیرہ کے مطابق چانسلر میرز نے مزید کہا "میں یہ بھی واضح کرنا چاہتا ہوں کہ جرمنی میں ہم اس امکان کے لیے تیاریاں کر رہے ہیں کہ اگر ایران نے اسرائیلی یا یہودی اہداف کو نشانہ بنایا، تو ہم اس سے نمٹنے کے لیے تیار ہوں۔" تاہم انہوں نے اس حوالے سے مزید تفصیل فراہم نہیں کی۔