کہا جاتا ہے آپ اتنی اچھی، سلیقہ والی ہیں، مسلمان ہوجائیں: سنیتا مارشل

سنیتا مارشل کی مذہب پر گفتگو

کراچی(ڈیلی پاکستان آن لائن) اداکارہ سنیتا مارشل نے انکشاف کیا ہے کہ انہیں انسٹاگرام پر سب لوگ کمنٹس اور میسیج کرکے ان کی تعریفیں کرتے ہیں اور کہتے ہیں کہ آپ اتنی اچھی، پیاری اور سلیقے والی ہیں، مسلمان ہوجائیں۔

یہ بھی پڑھیں: پنجاب کے دفاتر کے 50فیصدعملے کو آن لائن کام پر منتقل کرنے کا حکم

ذاتی زندگی اور مذہب

ڈان کے مطابق سنیتا مارشل مسیحی مذہب کی پیروکار ہیں اور انہوں نے مسلمان اداکار حسن احمد سے شادی کر رکھی ہے، ان کے بچے مذہب اسلام کے پیروکار ہیں۔

یہ بھی پڑھیں: پاکستانی ٹینس اسٹار طلحہ وحید کو گنیز ورلڈ ریکارڈ کا سرٹیفکیٹ موصول

فریحہ الطاف کے پوڈکاسٹ میں شرکت

اداکارہ نے حال ہی میں فریحہ الطاف کے پوڈکاسٹ میں شرکت کی، جہاں انہوں نے ایک بار پھر اپنے مذہب، شادی اور بطور مسیحی پیش آنے والی مشکلات کا ذکر کیا۔

یہ بھی پڑھیں: کوئی پاگل شخص ہی یہ سوچ سکتا ہے کہ وہ 24 کروڑ سے زائد لوگوں کا پانی روک سکتا ہے، اگر انڈیا نے دریائے سندھ کا پانی روکا تو نتائج دہائیوں تک محسوس کیے جائیں گے: ڈی جی آئی ایس پی آر

رشتہ اور تعلقات

پروگرام کے دوران اداکارہ نے بتایا کہ حسن احمد ان کے دوسرے بوائے فرینڈ تھے، اس سے قبل ان کے تعلقات کسی اور کے ساتھ تھے۔ ان کے مطابق اسی طرح ان کے شوہر حسن احمد کے تعلقات بھی کسی اور خاتون سے تھے، جن کے پہلے تعلقات بھی ختم ہوگئے تھے۔

انہوں نے کہا کہ ان کے اور حسن احمد کے درمیان 2003 سے قبل ہی تعلقات استوار ہوگئے تھے لیکن وہ چند ماہ تک صرف موبائل فون پر ایک دوسرے کو پیغامات بھیجتے رہے۔ پہلی بار 2003 میں ملے، اور پھر ان کے تعلقات مزید مضبوط بنے۔

یہ بھی پڑھیں: ملک کو کنٹینرستان بنا دیا ، چچا بھتیجی لاشیں گرانا چاہتے ہیں، مشیر اطلاعات خیبرپختونخوا

خاندان کی حمایت

ایک سوال کے جواب میں سنیتا مارشل نے بتایا کہ ان کے خاندان یا کسی رشتے دار نے مسیحی ہونے کے ناتے کبھی کسی تفریق یا مسئلے کا سامنا نہیں کیا۔ ان کے خاندان سمیت قریبی رشتے داروں نے یکساں شہری کے طور پر زندگی گزاری۔

انہوں نے بتایا کہ ان کا خاندان اپنی مرضی سے انگلینڈ منتقل ہوا، کسی مسئلے یا دھمکیوں کی وجہ سے ایسا نہیں ہوا۔ اداکارہ کا کہنا تھا کہ جس طرح ان کے خاندان نے بطور مسیحی کبھی کسی تفریق کا سامنا نہیں کیا، اسی طرح آج تک انہیں مذہب کی بنیاد پر کسی تفریق کا سامنا نہیں کرنا پڑا۔

یہ بھی پڑھیں: پنجاب سے بلوچستان کا سفر: جو کبھی عام تھا، اب خوف کا سایہ ساتھ ہے۔

شادی کے بعد کے تجربات

سنیتا مارشل کے مطابق مسلمان خاندان میں شادی کرنے کے باوجود انہیں کبھی مذہب کا طعنہ نہیں دیا گیا، نہ ہی کبھی کسی طرح کا کوئی مطالبہ کیا گیا۔ اداکارہ نے کہا کہ شادی کے وقت بھی شوہر حسن احمد یا ان کے خاندان نے مذہب تبدیل کرنے کا کہا نہ پوچھا، اور آج تک خاندان میں کوئی مذہب سے متعلق کچھ نہیں کہتا۔

اداکارہ نے کہا کہ حسن احمد اور ان کے پورے خاندان کے لوگ جس طرح پہلے عزت دیا کرتے تھے، آج بھی ایسی ہی عزت دیتے ہیں۔

انسٹاگرام کے دلچسپ پیغامات

اسی دوران انہوں نے بتایا کہ لیکن انہیں انسٹاگرام پر دلچسپ پیغامات ملتے ہیں اور ان کی پوسٹس پر عجیب کمنٹس کیے جاتے ہیں۔ سنیتا مارشل کے مطابق لوگ انہیں میسیج بھیج کر یا کمنٹس کرکے ان کی تعریفیں کرتے ہیں، لکھتے ہیں آپ اتنی اچھی، پیاری اور سلیقے والی ہیں، مسلمان ہوجائیں۔

اداکارہ نے بتایا کہ ایسے پیغامات اور تبصرے پڑھ کر انہیں تعجب بھی ہوتا ہے اور پھر ساتھ میں ہنسی آتی ہے لیکن وہ ایسے پیغامات کا کوئی جواب نہیں دیتیں۔