رات کو اسرائیل کے لیے دن بنا دیں گے: ایران نے بڑے میزائل حملے کی تیاری کر لی

ایران کی اسرائیل پر میزائل حملے کی تیاری

تہران (مانیٹرنگ ڈیسک) ایران کی جانب سے آج اسرائیل پر بڑے اور شدید میزائل حملے کی تیاری کی جارہی ہے۔

یہ بھی پڑھیں: 15 Years Later: Punjab Chief Minister’s First Visit to Bank of Punjab Headquarters Sets Target for Top Ranking

ایرانی سپریم نیشنل سیکیورٹی کونسل کی دھمکی

’’جیو نیوز‘‘ کے مطابق ایرانی سپریم نیشنل سیکیورٹی کونسل نے کہا ہے کہ آج کی رات کو اسرائیل کے لیے دن بنا دیں گے۔ ایرانی میڈیا کے مطابق اہداف میں حیفہ کے قریب رمات ڈیوڈ ائیربیس بھی شامل ہے جبکہ اسرائیل نے اپنے شہریوں کو محفوظ پناہ گاہوں کے قریب جانے کی ہدایت کر دی۔

یہ بھی پڑھیں: علمی اداروں کی بندش یا ضم کرنے کی کوئی تجویز حکومت کے زیر غور نہیں : وزیراعظم کی سینیٹر عرفان صدیقی سے ملاقات میں گفتگو

اسرائیلی نیوز چینلز کے لیے انخلاء کی وارننگ

ایران نے اپنے سرکاری ٹی وی چینل کی عمارت پر اسرائیلی فورسز کے حملے کے بعد اسرائیلی نیوز چینلز کے لیے انخلاء کی وارننگ جاری کی ہے۔ ایران نے اسرائیل کے N12 اور N14 چینلز کے لیے انخلا کا انتباہ جاری کیا ہے۔

ایران کا ردعمل

یہ حکم صیہونی دشمن کی ایران کے نشریاتی ادارے پر جارحانہ حملے کے ردعمل میں جاری کیا گیا ہے۔ ایران نے اسرائیل کا ایک اور ایف 35 جنگی جہاز گرانے کا دعویٰ بھی کیا ہے جبکہ اسرائیل نے اس کی تردید کی ہے۔ یاد رہے کہ کل رات بھی ایران نے اسرائیل پر درجنوں میزائلوں سے حملہ کیا تھا۔