پاکستان نے ایران میں تعینات سفارت کاروں کے اہل خانہ اور غیر ضروری عملے کے انخلا کا فیصلہ کرلیا

اسلام آباد(ڈیلی پاکستان آن لائن) دفتر خارجہ کے سینیئر عہدیدار نے بتایا ہے کہ سفارتی عملے کے خاندانوں کو ایران سے نکالا جا رہا ہے اور کچھ غیر ضروری عملہ بھی ایران سے واپس بلایا جا رہا ہے۔

یہ بھی پڑھیں: کمار سانو نے ذہنی، جسمانی تشدد کیا، مجھے دوران حمل بھوکا رکھا اور بچوں کے لیے بھی دودھ بند کر دیا تھا، سابق اہلیہ نے سنگین الزام عائدکردیے۔

پاکستانی مشن کی سرگرمیاں

جیو نیوز کے مطابق، انہوں نے بتایا کہ تہران میں پاکستانی سفارتخانہ اور قونصل خانے معمول کے مطابق کام کرتے رہیں گے اور ایران میں موجود پاکستانی مشن بدستور فعال رہیں گے۔

اسرائیل اور ایران کے درمیان کشیدگی

خیال رہے کہ گزشتہ دنوں اسرائیل نے ایران پر حملہ کیا تھا جس کے نتیجے میں اعلیٰ عسکری قیادت اور متعدد ایٹمی سائنسدان شہید ہوئے۔ اس کے بعد سے دونوں ممالک کے درمیان جنگ جاری ہے اور اسرائیلی حملوں میں اب تک 227 افراد شہید ہوچکے ہیں۔