چین اور کرغزستان کے درمیان تعاون میں بے پناہ صلاحیت موجود ہے، چینی صدر

چینی صدر کی کرغزستان کے ساتھ تعلقات پر گفتگو

آستانہ (شِنہوا) - چین کے صدر شی جن پھنگ نے کہا ہے کہ چین اور کرغزستان کے درمیان تعاون میں بے پناہ صلاحیت موجود ہے۔ انہوں نے دونوں ممالک پر زور دیا کہ وہ تجارت اور سرمایہ کاری کو بڑھائیں اور ابھرتے ہوئے شعبوں میں تعاون کو وسعت دیں۔

یہ بھی پڑھیں: یو اے ای میں پاکستان کے سفیر فیصل نیاز ترمذی کا پرسٹائن پرائیویٹ سکول دبئی کا دورہ، تدریسی سرگرمیوں کے فروغ کے لیے مخلصانہ کاوشوں پر خراج تحسین

ملاقات کا پس منظر

شی نے یہ بات قازقستان کے دارالحکومت آستانہ میں دوسرے چین-وسطی ایشیا سربراہ اجلاس کے موقع پر کرغز صدر سدیر جعفروف سے ملاقات کے دوران کہی۔

یہ بھی پڑھیں: مسلسل 2 فتوحات پاکستان میں سیلاب متاثرین کے نام کرتے ہیں: مائیک ہیسن

تاریخی ترقی اور تعاون

شی نے کہا کہ 33 سال قبل سفارتی تعلقات قائم ہونے کے بعد سے چین اور کرغزستان کے تعلقات میں زبردست ترقی ہوئی ہے اور اب یہ تعلقات تاریخ کی بہترین سطح پر پہنچ چکے ہیں۔

یہ بھی پڑھیں: 28ویں آئینی ترمیم میں مبینہ طور پر ووٹر کی عمر 18 سال سے بڑھا کر 25 سال کرنے کی بات سامنے آرہی ہے، صحافی ظفر نقوی

پچھلی ملاقات کی اہمیت

چینی صدر نے یاد دلایا کہ فروری میں بیجنگ میں ان کی جعفروف کے ساتھ ایک نتیجہ خيز ملاقات ہوئی تھی جس میں متعدد امور پر اہم اتفاق رائے کیا گیا، جس نے دوطرفہ تعاون کو نئی اور مضبوط تحریک دی۔

یہ بھی پڑھیں: بنگلہ دیش: یونیورسٹی انتخابات میں اسلامی طلبہ شبیر کا حمایت یافتہ پینل 3 اہم عہدوں پر کامیاب

مستقبل کی ترقی کی حکمت عملی

انہوں نے کہا کہ چین، کرغزستان کے ساتھ مل کر ترقیاتی حکمت عملیوں میں ہم آہنگی کو مسلسل گہرا کرنے، ایک دوسرے کے بنیادی مفادات اور اہم قومی مسائل پر مضبوط حمایت جاری رکھنے، اور دونوں جانب کے مشترکہ اور طویل مدتی مفادات کے تحفظ کی خاطر کام کرنے کے لئے تیار ہے۔

یہ بھی پڑھیں: موڈیز نے پاکستان کے بینکنگ سسٹم کا آؤٹ لک مستحکم کردیا

تجارت اور مشترکہ منصوبے

انہوں نے دونوں فریقوں پر زوردیا کہ تجارت اور سرمایہ کاری کو بڑھائیں، مالی تعاون کو گہرا کریں، رابطے کے نظام کو بہتر بنائیں، اور چین-کرغزستان-ازبکستان ریلوے کی اعلیٰ معیار کی تعمیر کو فروغ دیں۔ صاف توانائی، ماحول دوست معدنیات اور مصنوعی ذہانت کے شعبوں میں ترقی کے نئے محرکات پیدا کریں۔ ثقافت، سیاحت، تعلیم اور صحت جیسے شعبوں میں روابط بڑھائیں اور عوام کے فائدے کے مزید منصوبوں پر عملدرآمد کریں۔

شنگھائی تعاون تنظیم (ایس سی او) میں تعاون

انہوں نے کہا کہ دونوں ممالک شنگھائی تعاون تنظیم (ایس سی او) کی باری باری صدارت سنبھالیں گے اور سربراہ اجلاسوں کی میزبانی کریں گے۔ شی نے کہا کہ چین ایک دوسرے کی حمایت کرنے کے لیے کرغزستان کے ساتھ کام کرنے اور ایس سی او کی عظیم تر ترقی کے لیے مل کر کام کرنے کا خواہاں ہے۔