ملک کے مختلف علاقوں میں شدید گرمی، چند مقامات پر گرج چمک کے ساتھ بارش کی پیشگوئی
موسمیات کی پیشگوئی
اسلام آباد(ڈیلی پاکستان آن لائن)محکمہ موسمیات نے ملک کے مختلف علاقوں میں شدید گرمی اور چند مقامات پر گرج چمک کے ساتھ بارش کی پیشگوئی کر دی۔
یہ بھی پڑھیں: اپنی شادی میں نوٹ برسانے والے میک اپ آرٹسٹ کو 6 ماہ قید کی سزا سنادی گئی
میدانی علاقوں کا موسم
نجی ٹی وی ہم نیوز کے مطابق محکمہ موسمیات کا کہنا ہے کہ آج ملک کے میدانی علاقو ں میں موسم گرم اور خشک رہے گا، اسلام آباد اور گرد و نواح میں مطلع جزوی طور پر ابر آلود رہے گا جبکہ چند مقامات پر گرج چمک کے ساتھ بارش کا امکان ہے۔
یہ بھی پڑھیں: اگر ملاقاتیں پہلے ہو چکی ہوتیں تو اتنی تشویش نہیں ہوتی، بیرسٹر گوہر
خیبر پختونخوا کی صورتحال
خیبر پختونخوا کے بیشتر اضلاع میں بھی مطلع جزوی ابر آلود رہنے کا امکان ہے۔ شام اور رات کے اوقات میں چترال، دیر، سوات، مالاکنڈ، شانگلہ اور ایبٹ آباد میں بارش کی توقع ہے۔
یہ بھی پڑھیں: پہلگام فالس فلیگ آپریشن اور مودی سرکار پر سوال اٹھانے والے کشمیری صحافی کے ساتھ بھارتی فورسز نے کیا سلوک کیا ۔۔۔؟ ویڈیو دیکھیں
پنجاب کے حالات
پنجاب کے بیشتر اضلاع میں موسم گرم رہنے کی توقع ہے، مری، گلیات، اٹک، چکوال، جہلم اور راولپنڈی سمیت گرد و نواح میں ہلکی بارش کا امکان ظاہر کیا گیا ہے۔
یہ بھی پڑھیں: سندھ میں 31مارچ تک تعلیمی ادارے بند رہیں گے تاہم کوئی بھی امتحان ملتوی نہیں ہوگا، سرکاری ملازمین جمعہ کو ورک فرام ہوم اور 4 دن دفاتر میں کام کریں گے، شرجیل میمن
سندھ اور بلوچستان کی پیشگوئی
سندھ اور بلوچستان کے بیشتر اضلاع میں موسم گرم اور مرطوب رہے گا، کوئٹہ، خضدار، لسبیلہ اور گرد و نواح میں ہواؤں کے ساتھ بارش کی پیشگوئی ہے۔ آزادکشمیر اور ملحقہ پہاڑی علاقوں میں چند مقامات پر گرج چمک کے ساتھ بارش کا بھی امکان ہے۔
گرمی کی لہر کا الرٹ
محکمہ موسمیات نے 21 جون تک گرمی کی لہر برقرار رہنے کا الرٹ جاری کر دیا ہے، گزشتہ 24 گھنٹے کے دوران ملک کے بیشتر علاقوں میں موسم گرم اور خشک رہا۔
