پاکستان میں براہ راست غیر ملکی سرمایہ کاری میں کمی

کمی میں براہ راست غیرملکی سرمایہ کاری

اسلام آباد (ڈیلی پاکستان آن لائن) ملک میں براہ راست غیرملکی سرمایہ کاری میں جاری مالی سال کے پہلے 11 ماہ میں سالانہ بنیادوں پر 8 فیصد کی کمی ہوئی ہے۔

یہ بھی پڑھیں: وزیرداخلہ سے امریکہ کی قائم مقام سفیر نیٹلی بیکر کی 48 گھنٹے میں دوسری اہم ملاقات، پاک وطن کی سلامتی پر ہر گز آنچ نہیں آنے دیں گے:محسن نقوی

اعدادوشمار کی تفصیلات

نجی ٹی وی سما نیوز کے مطابق سٹیٹ بینک کی جانب سے اس حوالہ سے جاری کردہ اعدادوشمار کے مطابق مالی سال کے پہلے 11 ماہ میں ملک میں براہ راست غیرملکی سرمایہ کاری کا حجم 1.979 ارب ڈالر ریکارڈ کیا گیا جو گزشتہ مالی سال کی اسی مدت کے 2.142 ارب ڈالر کے مقابلہ میں 8 فیصد کم ہے۔

یہ بھی پڑھیں: رائل مراکش فضائیہ کے انسپکٹر میجر جنرل محمد غادی کا نیول ہیڈکوارٹرز اسلام آباد کا دورہ، سربراہ پاک بحریہ ایڈمرل نوید اشرف سے ملاقات

مئی کے اعدادوشمار

رپورٹ کے مطابق مئی میں براہ راست غیرملکی سرمایہ کاری کا حجم 194 ملین ڈالر ریکارڈ کیا گیا جو اپر یل کے مقابلہ میں 38 فیصد زیادہ اور گزشتہ سال مئی کے مقابلہ میں 37 فیصد کم ہے۔ اپر یل میں ملک میں براہ راست غیرملکی سرمایہ کاری کا حجم 141 ملین ڈالر اور گزشتہ سال مئی میں 306 ملین ڈالر ریکارڈ کیا گیا تھا۔

مقامی اور بین الاقوامی سرمایہ کار

اعدادوشمار کے مطابق مالی سال کے پہلے 11 ماہ میں چین نے پاکستان میں 790 ملین ڈالر، برطانیہ 229 ملین ڈالر، سویٹزرلینڈ 179 ملین ڈالر، یواے ای 105 ملین ڈالر، امریکا 103 ملین ڈالر، ہالینڈ 54 ملین ڈالر، مالٹا 42 ملین ڈالر، کویت 41 ملین ڈالر اور دیگر ممالک نے 83 ملین ڈالر کی براہ راست غیرملکی سرمایہ کاری کی۔