آئی سی سی ویمنز ٹی 20 ورلڈ کپ 2026ء کے شیڈول کا اعلان

آئی سی سی ویمنز ٹی 20 ورلڈ کپ 2026ء کا شیڈول

لند ن(ڈیلی پاکستان آن لائن) آئی سی سی نے ویمنز ٹی 20 ورلڈ کپ 2026ء کے شیڈول کا اعلان کردیا۔ ایونٹ کا آغاز 12 جون سے ہوگا، جبکہ فائنل 5 جولائی کو کھیلا جائے گا۔ پاکستان اور بھارت کی ٹیمیں 14 جون کو ایجبیسٹن میں آمنے سامنے ہوں گی۔

یہ بھی پڑھیں: اسلام آباد سیف سٹی پراجیکٹ کو ’’کیپٹل سمارٹ سٹی‘‘ میں تبدیل کرنے کا فیصلہ، وزیر داخلہ محسن نقوی نے 30 مئی کی ڈیڈ لائن دیدی

ایونٹ کی تفصیلات

نجی ٹی وی سماء کے مطابق انٹرنیشنل کرکٹ کونسل نے ویمنز ٹی 20 ورلڈ کپ 2026ء کے شیڈول کا اعلان کردیا ہے۔ یہ ایونٹ اگلے سال 12 جون سے انگلینڈ میں کھیلا جائے گا۔ افتتاحی میچ انگلینڈ اور سری لنکا کے درمیان 12 جون کو ہوگا۔

یہ بھی پڑھیں: حکومت سندھ نے سیلاب سے متاثرہ کسانوں کے لیے امدادی فنڈز میں اضافہ کردیا، صوبائی وزیراطلاعات

گروپ ون کی ٹیمیں

شیڈول کے مطابق گروپ ون میں پاکستان، بھارت، آسٹریلیا، جنوبی افریقا اور 2 کوالیفائنگ ٹیمیں شامل ہیں۔ پاکستان اور بھارت کی ویمنز ٹیمیں 14 جون کو ایجبیسٹن میں مدمقابل آئیں گی۔ پاکستان ویمنز ٹیم اپنا دوسرا میچ جنوبی افریقا سے 17 جون کو کھیلے گی، جبکہ پاکستان اور کوالیفائر کے درمیان میچ 20 جون کو ہوگا۔ قومی ٹیم آسٹریلیا کے خلاف 23 جون کو ہیڈنگلے میں میچ کھیلے گی، جبکہ 27 جون کو پاکستان کوالیفائی کرنے والی دوسری ٹیم سے مقابلہ کرے گی۔